بیزیم حقیمیزده

آذرکتاب توران

سئویملی آذربایجان خالقینا خطاب!

هامینیز بیلیرسینیز بوگون کتاب و اونون یاییلماسی هر ملتین کولتورونون یوکسک لیگینی بیلدیریر. تاسوفله بو ایللرده مختلف چتینلیک لره قاتلانان خالقیمیز سانکی کتابلا کوسموشدور. کتاب بیزی تاریخیمیز، کولتوروموز و دیلیمیزین گؤزللیگی و زنگینلیگی ایله تانیش ائدیر. کتابی خالقیمیزین ایچینه آپارماق و دیلیمیزی – ادبیاتیمیزی زنگین لشدیرمک اوچون “آذرکتاب توران” آدلی بیر تعاونی شرکت ثبته چاتدیرمیشیق و چالیشاجاغیق دیلیمیز، تاریخیمیز و ادبیاتیمیزی – معنوی ثروتیمیزی قورویاق. بو هدفی تکجه آذربایجان خالقی نین یاردیمی و ال-بیرلیگی ایله یئرینه یئتیرمک اولار. بو آماجلا شرکتی یاراتدیق و بو یوللار ایله هامینیزی اشتراک ائتمه یه چاغیریریق:

هر بیر کس آیدا تکجه ۱۰ مین تومن له بو شرکته عضو اولابیلر

شرکت بو توپلانان پول ایله هر آی نئچه کتاب – کلاسیک و چاغداش اثرلری چاپ ائده¬جک

کتابلاری چاپا حاضرلاییب، کتابین سئچمه¬سینده، چاپیندا و یایماسیندا ال-بیرلیک ائده¬جک

یازی قایدالاریمیزین بیرلشدیره جه یینه چالیشاجاق

کتابلارین تایپ، صفحه باغلاماسی، ائدیت، طراحلیق و باشقا ایشلرینی عهده سینه آلیر.

کتابین سئچمه سینه بیر کمیته سئچیلیب ایشله یه جکدیر.

تامام آذربایجان یازارلار، شاعیرلر، ناشرلر، درگی لر و انجمن لری حیمایه ائده جک.

هر ایلین سونوندا اؤیه لر آراسیندا سود پایلاناجاقدیر.

الله قویسا، تئزلیکله عمومی سهام شرکتینه چئوریله جکدیر.

ایندی بیزیمله راضی اولانلار هر آی – آردیجیل صورتده اؤز سهم لرینی آشاغیداکی حسابا تؤکوب و شرکته خبر وئره جکلر.

بو تئزلیکده بیر سایت، تلگرام کانالی و تلگرام قوروپو طراحلیق اولوب اعلان ائدیله جکدیر.

آذربایجانیمیزین گؤرکملی و آدلیم یازارلاری، شاعیرلری، ناشرلری، درگی لری و درنک لری بو شرکتده اشتراک ائتمیشلر و باشقالاری دا عضو اولا بیلرلر. بو شرکت بوتون ایراندا یاشایان تورک خالقی نین دیر و هر کس اوندا عضو اولا بیلر.

هر ۵۰ مین تومن بیر سهم ساییلیر و هر عضو ایسترسه، هر زمان سهمینی وئریب پولونو آلابیلر.

سورغولارینیزا بو تلفون نومره سی ایله جواب آلابیلرسینیز: ۰۹۱۲۱۴۱۳۴۳۶

اؤز قوروپونوز “آذرکتاب توران”ا قووشون.

شرکت تعاونی آذرکتاب توران شماره ثبت: ۱۲۹۹۷

کارت نمره سی: ۵۶۵۰ ۰۱۲۰ ۰۸۷۰ ۵۰۲۹ آذرکتاب توران آدینا

شماره حساب:   210501110506647801 “شرکت تعاونی آذرکتاب توران” آدینا

شیبا نمره سی: ۱۱۰۲۲۰۲۱۰۵۰۱۱۱۵۰۶۶۴۷۸۰۰۱ IR  شرکت تعاونی آذرکتاب توران آدینا

                                      “ائل بیر اولسا داغ اوینادار یئریندن”