کتاب تانیتیمی / گلستان حکیم

سردری مدنیت ائوی ۹۶جی ایلین فروردین آیی نین ۱۴جو گونونده حقیر (م. کریمی) اوچون بیر عزیزله مه مراسیمی قوردو. بو مراسیمده منه هدیه وئره ن عالیملر و دوستلارین چوخو کتابلا منی قارشیلادیلار و ان گؤزل هدیه لری آلدیم. اونا گؤره بو عالیملردن و دوستلاردان درین منتدارلیغیمی بیلدیره رک، بو هدیه لری اوخوجولارا تانیتدیرماق ایسته ییرم.

                                                       م. کریمی

گلستان حکیم ۱، ۲، ۳ جیلدلری

حکیم

اوستاد محمد حسین قابل نژاد (حکیم) بیر عُمر دورمادان چالیشیب، مینلرجه کتابلاردان میرواری ده یرلی سؤزلری توپلاییب و بوگونه کیمی اوچ جیلدی گلستان حکیم عنوانیله اوخوجولارینا سونموشدور. بو سری کتابلار اون جیلده قدر اولاجاغینی بیلیریک. حکیم، کتابلاردان ان گؤزل جمله لری بیر یئره توپلاییب ۱۰ جیلدده بیر دایره المعارف کیمی – بؤیوک انسانلارین، حکیم لریم و شاعیرلرین دوم – دورزو سؤزلری نین سئچمه لرینی – اوخوجولارا تقدیم ائدیر.

   ایندی بو سری دن اوچ جیلد چاپ اولموش و بورادا ایرانلی، یونانلی، داها دوزگون دئسک: دونیا حکیم لری نین گؤزل سؤزلرینی اوخوماق اولور. بو کتاب ایکی دیللی اولاراق، فارس دیلی نین یانیندا تورک سؤزلری ده اؤز پارلاقلیغینی گؤسته ریر. گلستان کتابی نین ده یری او زامان داها آرتیق بیلینه جکدیر کی دیلیمیز یاساقلیقدا آزاد اولموش و علمی سویه ده دیلیمیز اؤیره نیلسین. بونو آرتیرمالی یام حکیم قابل نژاد مدنیت ائوی نی ترتیب ائده رک، ده یرلی بیر ایش گؤرموشدور. بو ایشین نتیجه سی ایندی دن بللی اولاراق، گله جکده داها آرتیق ثمره سینی گؤره جه ییک. بیز بورادا حکیمین کتابلاری نین اوخوماسینی تام اوخوجولارا توصیه ائده رک، عزیز حکیم اوچون ده ساغلیق و بوندان آرتیق باشاریلار دیله ییریک.

ارسال دیدگاه