مترو وادیسی

سردری مدنیت ائوی ۹۶جی ایلین فروردین آیی نین ۱۴جو گونونده حقیر (م. کریمی) اوچون بیر عزیزله مه مراسیمی قوردو. بو مراسیمده منه هدیه وئره ن عالیملر و دوستلارین چوخو کتابلا منی قارشیلادیلار و ان گؤزل هدیه لری آلدیم. اونا گؤره بو عالیملردن و دوستلاردان درین منتدارلیغیمی بیلدیره رک، بو هدیه لری اوخوجولارا تانیتدیرماق ایسته ییرم.

                                                       م. کریمی

مترو وادیسی

بو اثرین بازاری ائلچین حسین بیلی (قارا چوخا) آذربایجان جمهوروسونون رومان یازارلاریندان دیر. اونون عرب الیفباسیندا کؤچوره ن رضا وعیدی (آرتان) جنابلاری دیر. بو کتابدا بیر رومان و ۱۳ حیکایه اوخویوروق. بو کتابی اوخوماقلا، بیز آذربایجان ادبیاتی نین نثر قولو، هابئله دیل اؤزه للیک لریله تانیش اولوروق. اثری کؤچوره ن رضا وعیدی جنابلاری گنج بیر ادبیات سئور اولاراق (۱۳۵۷ ایلین دوغوملوسو) بو اثری کؤچورمه ده یازی قایدالاریمیزی دوزگون صورتده ایشه آپارمیش و قایدالاری رعایت ائتمیشدیر. اونودمایاق کی دَیرلی ائدیتور احد فرهمندی جنابلاری دا اونا نظارت ائتمیشلر. کتابی نشر ائده ن مراغا ادبیات حلقه سی (آلما) اولموشدور کی همین درنه گین قوروجوسو رضا وعیدی جنابلاری اولموشلار. بیز ده بو چالیشانلارا اللرینیز آغریماسین دئییریک.

   کتاب ۲۴۰ صفحه ده ۱۰۵۰۰ تومنه یاییلمیشدیر.

ارسال دیدگاه