تاریخ تبریز / مجید رضازاد عموزین الدینی

سردری مدنیت ائوی ۹۶جی ایلین اردیبهشت آیی نین ۱۴جو گونونده حقیر (م. کریمی) اوچون بیر عزیزله مه مراسیمی قوردو. بو مراسیمده منه هدیه وئره ن عالیملر و دوستلارین چوخو کتابلا منی قارشیلادیلار و ان گؤزل هدیه لری آلدیم. اونا گؤره بو عالیملردن و دوستلاردان درین منتدارلیغیمی بیلدیره رک، بو هدیه لری اوخوجولارا تانیتدیرماق ایسته ییرم.

                                                       م. کریمی

تاریخ تبریز

از دوران باستان تا برآمدن مغولان

بو ده یرلی کتابیت یازاری معاصر آراشدیریجی مجیئ رضازاد عموزین الدینی جنابلاری دیر. بیلدیگیمیز اساسیندا بو گنج یازاردان نئچه – نئچه علمی و تاریخی کتابلار ایشیق اوزو گؤرموش و فرهنگی ساحه لرده چالیشقان بیر یازار کیمی یازیب – پوزور. تبریز تاریخی اوزه رینده یوزلرجه کتاب یازیلیب و یاییلمیشدیر؛ آنجاق بو کتاب بیر سیرا سورغولارا جواب وئرمک اوچون یازیلمیش و اوخوجو بو بالاجا کتابدا روادیان، ساجیان، سالاریان، سلجوقیان، احمدیلیان و آذربایجان آتابی لریله تانیش اولور.

بو کتاب ۲۰۰ صفحه ده وزیری قطعینده تبریزین اختر یاییم ائوی طرفیندن چاپ اولموش و آز بیر سوره ده دؤردونجو چاپا نایل اولموشدور. آرتیرمالی یام کی بو کتاب ایلک اؤنجه تبریز بیلیم یوردوندا بیر یوکسک لیسانس تئزی کیمی ایشلنمیش و سونرا اونون ده یرلی اولدوغونو بیله رک عموم اوخوجولارین الده ائتدیگی اوچون یایمیشلار. بیز بو کتابین اوخوماسینی اوخوجولاریمیزا توصیه ائده رک، گنج یازاریمیزا باشاریلار دیله ییریک و یاخین گله جکده داها درین و علمی کتابلاری نین یولونو گؤزله ییریک.

ارسال دیدگاه