دولو – قاراباغ رومانی

کتاب تانیتیمی
“دوْلو” چاغداش قوزئی آذربایجان تانینمیش یازاری، فیکیر آدامی، قزئت‌چی، میللت وکیلی عاقل عباس طرفیندن قلمه آلینمیشدیر.
گونئی‌ده ایسه سایین سعید موغانلی ایله ائلیار پولاد جنابلارینین چابالارینین سونوجوندا ایشیق اوزو گؤرموشدو.
دولو، قاراباغ اولایلارینی آنلادان اثرلر ایچینده ان گئنیش و ان دوْیوملو اثر اؤزللییینی داشیماق‌دادیر. روماندا دققتی چکن نوکته بودور: یازار هر هانسی طرفی سوچلو‌ اولاراق گؤرستمیر. اولایلاری توم چیلپاق‌لیق‌لا آنلاداراق یورومونو اوخوجویا بوراخیر. یاپیلانلاری، دوغرولاری و یانلیشلاری گؤزلر اؤنونه سَریر.
دولو رومانی تاریخی ادبیاتا داشییان بیر اثردیر. ییرمینجی یوز ایلین سونلاریندا دونیانین گؤزلری اؤنونده قاراباغ‌دا سوی قیریم یاپیلارکن کیمسه‌نین سسی چیخمامیش و قاراباغ خالقی اؤز آلین یازیسینا بوراخیلمیشدی. ساده‌جه ارمنی‌لرله دئییل اونلارین آرخاسینداکی گوجلرله ده مجادله ائدیلمیش‌دیر. بونونلا دا بو رومان بو مجادله‌نین سسی اولموشدور. بو مجادله‌نی آنلادارکن ده کیمسه‌یه قارشی دوشمن‌لیک ایشلنمه‌میش، ساده‌جه قاراباغ خالقی‌نین اؤز وطنینی ساوونماسی و اؤز تورپاق‌لاریندا اؤزلری ایسته‌دییی کیمی یاشاما آرزیلارینی ایشلتمیش‌دیر. اثر دولو یاغیشی ایلا باشلاییر. آمما یاغان بو کز بومبالارلا مرمی‌لردیر. بو دولولار طبیعتی جانلاندیرماق اوچون یوخ اونو تخریب ائتمک اوچون یاغار. هئچ بیرینده انصاف یوخدور. گنج یاشلی، چولوق چوجوق، قادین ارکک دئمه‌دن هئچ بیر گوناهی اولمایان خالقی وورور. اونلارین تک سوچو ایسه قاراباغلی اولمالاری‌دیر. کسین‌لیک‌له ده بونون بدلینی آغیر اؤدرلر. دولولارا قارشی بیر نئچه مجادله وئریلیر. بیر چوخ قهرمان‌لیق دستانی یازیلیر. آمما سونوندا تاسوف‌له قاراباغ الدن گئدیر. یازار روماندا قاراباغی دونیانین ان گؤزل شهری دئیه آدلاندیریر. او زامان نه‌یین الدن گئتمه‌سی داها یاخجی آنلاشیلیر. الدن گئدن دونیانین ان گؤزل وطنی‌دیر.
روماندا دراکون، پلنگ، فرمانده و وورغون وورموش گنج‌لر کیمی بیر چوخ کاراکتئره یئر وئریلمیش و بو قهرمانلارین مجادله‌سی آنلادیلمیش‌دیر. بو مجادله‌نی آنلادارکن قهرمانلارین یاپدیقلاری دوغرولارین یانی سیرا یانلیش‌لاری دا آنلادیلمیش‌دیر. اونلارین حاقلی ساواشلاری ایشلنمیش‌دیر.

دواو
قاراباغ رومانی
عاقل عباس

دولو

دولو [DOLU]
قاراباغ رومانی
عابباس عاقیل
کؤچورن: ائلیار پولاد
چاپاحاضیرلایانی: سعید موغانلی
تکدرخت‌یایین‌ائوی| تهران|پاییز|۱۳۹۵
گرافیست: اوختای ساحیر
یاشماق سیرا کیتابلاری
چاغداش ادبیاتادوغرو

یاشماق یایینلاری

ارسال دیدگاه