سهراب طاهیر – چؤپو ده ایکییه بؤلمه رم داها

سهراب طاهیرین شئعر دفتری اولان چؤپو ده ایکییه بؤلمه رم داها عنوانلی کتابی تبریزده نباتی انتشاراتی طرفینده یاییلدی.

ادبياتيميزين دموكراتيك پوئزيياسي­ نين گؤركملي نماينده ­لريندن بيري سهراب طاهردير.[۱] سهراب طاهر ۱۳۰۴ جي ايلده آستارا شهرينده آنادان اولدو. آتاسي ابوالفضل دميرچي ايدي و رضاخانين استبدادينا قارشي آزادليق حركاتينا قاتيلير و حبسه آلينير و كرمانشاها سورگون اولور. سهرابين بوي آتيب ياشا دولماسي، آتاسي­ نين سورگونلوك زامانينا راست گلير و بالاجا سهراب ياشاييشين وظلمون چتين ­ليك­ لريني وظالمين سيماسيني ياخشي تانييا بيلير. سهراب آتاسيلا برابر ايش داليجا مختلف شهرلري دولانير، قوم، قزوين، تهران، و نهايت تبريزه گلير. سهراب قارداشيلا برابر تبريزده بير الكتريك توكاني آچيب ايشله­ مه ­يه چاليشير. تبريزده ملي حركت باشلاديقدا، گنج سهراب بو حركت­لردن قيراقدا قالمايير و خالق حركتينه قاريشير و دموكرات فرقه ­سي نين مركزي عضولاريندان اولاراق، شعرلريله خالقدا هيجان يارادير و ملي افتخار حسّي ايفاده ائتمه ­يه چاليشير.

   سهراب طاهر وطن­پرور، خالق سئوه­ ر بير شاعر و فدايي اولاراق «۲۱ آذر» مدالينا لايق گؤرولور. ۱۳۲۵ده باكي­نين حربي مكتبينه گؤنده­ ريلير، آنجاق ملي حكومت ييخيلديقدا، سهراب طب اوخوماغا اوز گتيرير. بو زامانلار باكيدا اونون شعرلري چاپ اولماغا باشلايير. اونون ايلك شعر دفتري «آي ايشيغيندا» عنوانيله ۱۳۳۷ده چاپدان چيخير. همين ايلده، آذربايجان غزئته­ سينده امكداشليق ائدير.

   سهراب طاهر ۱۳۳۶جي ايلده بيرلشميش سوئت خالقلاري­نين يازيچيلار اتفاقيندا عضولويونه قبول اولونور. بير ايل سونرا مسكودوا يا گؤنده­ ريلير بلكه عالي ادبيات كورسونو اوخوسون. بو تحصيل، سهراب طاهرين ياراديجيليغيندا درين ائتكي بوراخير. چونكي بورادا بوتون سووئت خالقلاري­نين يازيچيلاري ايله ياخيندان دوستلوق ائدير. ۱۳۳۸ و ۱۳۳۹جي ايللرده ايكي شعر دفتري چاپدان چيخير: «بولاق» و «سندن اوزاقدا». بو ايكي اثرينده گونئي آذربايجان خالقي­نين سارسيلماز و سوسمايان مبارزه­لريني تصويره آلميش و خالقي­نين آرزي ـ امك­لريني جانلانديرير.

اونودماياق كي سهراب طاهر، ادبي فعاليتي ايله ياناشي، سياسي ـ اجتماعي فعاليتي­ني ده داوام ائتديرير، آنجاق بيز، بورادا اونون ادبي اثرلريني آراشديرماق ايسته­ييريك.

   سهراب طاهرين بو گونه قدر ۲۰دن آرتيق كتابي چاپ اولوب: حيات شيريندير (۱۳۴۱)، قيريلان زنجيرلر (۱۳۴۳)، من سني گؤرموشم (۱۳۴۵)، گل گؤروشك (۱۳۴۶)، آتش بولاغي      (۱۳۴۷)، ستارخان حقينده داستان (۱۳۵۴)، اؤلومدن گوجلو( ۱۳۵۷) (حيكايه­ لردن عبارت) اثرلريني آد آپارماق اولار.[۲] سهرابين اثرلري چوخلو ديللره ترجمه اولوب و كوتله­وي بير تيراژلارلا ياييليبدير.

   سهراب ديشچيليك طب يونيوئرسيته ­سينه داخل اولوب، تحصيليني داوام وئرير. آنجاق آنا ديلينه اولان محبتي اونو فيلولوگييا علمينه ساري يؤنلدير و بو ساحه ­ده تحصيل ائدير. سونرا مسكووايا گئديب عالي ادبيات دؤره ­سيني گئچيردير و بير عالم كيمي باكييا قاييدير.

   سهراب طاهر كيچيك ياشلاريندان شعره ماراق گؤسته­ ريب و شعر يازماقدا اؤز استعداديني سينايير. آنجاق  شعر دفترلري سونرا لار چاپدان بوراخيلير. سهرابين بوگون اونلار كتابي اللرده دير و بوتون دنيا اوخوجولاري طرفيندن سئويله – سئويله اوخونور. اونون چاپ  اولموش كتابلاري بونلاردير:

آي ايشيغيندا                     ۱۳۳۵ ايلينده

حيات سئوگيسي              ۱۳۴۰

قيريلان زنجيرلر                ۱۳۴۴

منيم يولوم                       ۱۳۵۴

اؤلومدن گوجلو                  ۱۳۵۸

دؤيوش لوحه لري              ۱۳۵۹

حياتدان اوجا                    ۱۳۶۰

فدائي ژنرالي                     ۱۳۶۶

اينقيلاب قارتالي               ۱۳۶۸ (۲ جيلد)

امانت                             ۱۳۷۰

غزللر                              ۱۳۷۱

وطن خاطرينه                  ۱۳۷۷

آنجاق بوگون نئچه-  نئچه كتابلاري چاپ آلتيندادير، او جمله ­دن: يارالي خاطيره‌لر، شعر و منظومه ­لر، ساريشين قيز و …

۱ ) جنوبي آذربايجان ادبياتي آنتولوژي­سي، جيلد ۳، باكي، ۱۹۸۸ ، ص ۲۶۸ .

۱ ) سهراب طاهرين «وطن خاطيرينه» اثريي ۱۳۷۷ جي ايلده آلمانجا ترجمه و چاپ اولوب، اونون آلمانجايا چئويره ن «اؤته ميتاگ» ( ute  mietag ) اولموش و اصل شعر اوچ اليفبادا ـ عرب، لاتين و كيريل اليفبالاريندا، برلين شهرينده چاپ اولموشدور. بو اثرين اؤن سؤزونده، شاعيرين اثرلريني بئله سيرالايير :

۲ ) آي ايشيغيندا، باكي، ۱۹۵۶ .                                    ۸ ) فراني ژنرالي، باكي، ۱۹۸۷

۲ ) حيات سئوگيسي، باكي، ۱۹۶۱ .                               ۹ ) اينقيلاب قارتالي، باكي، ۱۹۸۹ .

۳ ) قيريلان زنجيرلر، باكي، ۱۹۶۵ .                               ۱۰ ) امانت، باكي، ۱۹۹۱ .

۴ ) منيم يولوم، باكي ۱۹۷۵ .                                         ۱۱ ) غزللر، ۱۹۹۲

۵ ) اؤلومدن گوجلو، ۱۹۷۹                                           ۱۲ ) وطن خاطيرينه، ۱۹۹۸

۶ ) دؤيوش لوحه لري، ۱۹۸۰

۷ ) حياتدان اوجا، ۱۹۸۱

   آيري اثرلري : يارالي خاطيره لر، شعر و منظومه­لر، ساريشين قيز و …

ارسال دیدگاه