آذربایجان معاصر شعری

آذربایجان معاصر شعری عنوانیندا اثر – م. کریمی یازیسی اولاراق تبریزده نباتی یاییم ائوی طرفیندن یاییلدی. بو اثر اصلینده آذربایجان چاغداش ادبیاتی دیر کی مشروطه انقلابیندان توتوب بو گونوموزه قدر تورک ادبیاتینی آراشدیریر و چوخلو شاعیر و یازارلارین یاشاییشی و اثرلرینی تانیتدیرماغا چالیشیر. آنجاق بورادا زنگان معاصر شاعیرلریندن ده: حسین منزوی، عباس بابایی، هوشنگ جعفری، عبدالله مرادی، حسین رزمی و باشقالاری نین دا اثرلری تانیتدیریلیر.

کتاب آلتی بؤلومدن عبارتدیر:

  • انقلابا حاضیرلیق
  • ملی – انقلابی ادبیات (۱۳۰۰ – ۱۳۲۰)
  • دموکراتیک ادبیات (۱۳۲۰ – ۱۳۳۲)
  • یئنی اویانیش (۱۳۳۲ – ۱۳۴۲)
  • صاندیق ادبیاتی (۱۳۴۲ – ۱۳۵۷)
  • چاغداش ادبیات (۱۳۵۷ده بوگونه قدر)

هر بؤلومده دؤورانین اجتماعی – سیاسی – ادبی دورومو، یازارلاری ایله شاعیرلری و اثرلری تانیتدیریلیر. بو کتاب ۶۸۰ صفحه ده، وزیری قطعینده، گالینگور جیلدده، ۵۵ مین تومنه یاییلمیشدیر.

م. کریمی نین ۱۳۹۶جی ایلده دؤردونجو اثریدیر کی یاییلیر. کتاب وزیری قطعینده گالینگور جیلد ایله حاضیرلانمیشدیر. بو اثر ۱۳۸۴جی ایلده ایکی جیلدده و ۱۲۵۰ صفحه ده چاپ اوچون اقدام اولاراق، ایندی ۶۸۰ صفحه ده چاپدان بوراخیلیر. بونو دا آرتیرماق لازیمدیر کی بو کتاب ۲۰۰۶جی ایلده استانبولدا لاتین الیفباسیله چاپ اولموش. کتابین قیمتی ۵۵۰۰۰ تومن وورولموشدور.

ارسال دیدگاه