ایرک بیتیک

تورک ادبیاتی چوخ درین و اسکی بیر ادبیات دیر؛ تاسوفلر اولسون کی تانینمامیش قالمیشدیر. تاریخیمیزین ان اسکی زامانلاردان قالان بیر تورک کتابیمیز دا همین ایرک بیتیک یا فالنامه دیر. بو کتاب ان آزی ۱۲۰۰ ایل بوندان اؤنجه یه عاییددیر. بورادا تکجه فال یوخ، بلکه قیسا داستانلار موجوددور و هر بیری نین بیر احوال روحیه سی واردیر. بو کتابدا اوخوجو ۶۴ حیکایه اوخویور. هر حیکایه، تکجه نئچه سطیردیر، آما اونون یورومو دیرلی بیر موضوعدور.

   اوخوجو بو کتابدا تورک ادبیاتی نین ۱۲۰۰ ایل بوندان اؤنجه دیلی و شیوه سی ایله تانیش اولور. بو اثر دامغالار خطی ایله یازیلمیشدیر کی بو خطین تاریخی میلاددان اؤنجه لره گئدیب – چاتیر.

   ایرک بیتیک ایلک دفعه ۱۹۰۷جی ایلده مجار عالیمی آورل اشتاین طرفیندن تاپیلدی. اثر تکجه ۵۷ یاپراق ایدی. بو الیازما بوگون لندن شهری نین بریتیش موزیوم کتابخاناسیندا ساخلانیلیر. بوگونه قدر “ایرک بیتیک” حققینده یوزلرجه عالیم، ادیب، آراشدیریجی تحقیقلر ایره لی سوروب و دونیا دیللرینه ده ترجمه اولوبدور. منجه ایندی سئویندیریجی حالدیر کی بو کتابدا، اؤز آنادیلیمیز ایله فارسیجاسی بیرگه وئریلیر. آیدین دیر کی بو اثرین یاییلماسی دیلیمیزین قارانلیق بوجاقلاری ایشیقلاندیریب و تاریخی بحث لر اوچون میدان آچاجاقدیر. شوبهه یوخدور کی گله جک بیزیم اوچون سئویندیریجی دیر.

   بو کتاب ۲۰۰ صفحه ده اختر نشری طرفیندن تبریز کتاب سرگیسینده ساتیشا قویولور. کتابین توپلاییب فارسیجایا چئویره نی دا م. کریمی دیر.

ارسال دیدگاه