عليرضا ذيحق ” سون پاريلتي ” نان پارلادي

كيتاب تانيتيمي

سون پاريلتي

آذربايجانلي شاعير ، يازيچي و شفاهي خلق ادبياتي ميزين آراشديريجي سي  عليرضا ذيحق  ، ” سون پاريلتي ” آدلي شعر كيتابيني يايماقلا ديلي ميزين  زنگين لي يينه اؤزونه اؤزل بير شعر ديلي ايله ، يئني بير پارلانتي يا امضا آتدي . شاعيرين سئچيلمييش شعر لرينه شاميل اولان بو اثر قيرخ ايل ليك بير ياراديجليقين اؤرنه يي اولاراق ، اونون  اينسانا و طبيعته اولان عشقيني آيدين جاسينا بيلديره رك وطن سئوگي سيني ده اوستون توتوري . عليرضا ذيحق ين بو مجموعه ده گلن شعر لري بعضن اونون تاخما آدي ” آغ چايلي ” امضاسي نان  ۱۳۵۶- نجي ايدن بئله  در گي لرده ياييليب دير و واختيندا تأثيرلي شعر لر سيراسيندا يئر آليب دير . شاعيرين بو يئني كيتابي  ۱۳۹۶- نجي ايلده ” شعر سپيد ” انتشاراتي طرفيندن  ۱۱۴ صحيفه ده و جيبي بيچيم ده  ۱۰۰۰نوسخه ده چاپ اولوب ياييلاراق ۶۶شعره  يئر وئريب دير .

“عليرضا ذيحق ” ين اثرلريندن ” يئر گؤي عشق ” ( حكايه لر مجموعه سي) و ” خوي ناغيل لاري ” ( خوي شهري نين فولكلوريك ناغيل و داستانلاري)  دا يئني ليك ده  نشر اولوناراق اوخو جولارين ايلگي سين چكيب كيتاب بازاريندا بوتون نوسخه لري ساتيشا گئديب دير .

گؤرکملی یازاریمیزا تبریک لر دئییب، کتابین اوخو ماسینی اوخوجولاریمیزا توصیه ائدیریک.

ارسال دیدگاه