شمس تبریزی نین تورکجه دیوانی

شمس تبریزی

مولوی نین غزللر دیوانی، شمس تبریزی آدینا یازیلمیشدیر. شمس تبریزی او قده ر مولانا جلال الدین مولوی شخصیتی نین یوکسه لیشینده ائتکی بوراخمیشدیر کی مولوی اونون قانادیلا گؤیلره اوچوب ذوق آلمیشدیر و شخصیتی نین یوکسه لیشینی اونا باغلامیشدیر. فارسیجا یازدیغی دیوانی دا شمس تبریزی آدینا یازمیشدیر. شمس تبریزی دیوانیندا بوگون تبریز مکتبی نین اوصوللارینی اوخوماق اولور.

   شمس تبریزی دیوانی بؤیوک حجملی بیر دیوان دیر کی غزللری نین ساییسی یوزلردن داها آرتیقدیر؛ آما ادیبلر تکجه ۵۰۰ – ۶۰۰ غزلی مولوی نین اؤزوندن بیلیب، قالانلاری دیوانا آرتیریلمیش باشقا شاعیرلردن سایمیشلار. سئویندیریجی بودور کی دؤکتور صدیق جنابلاری بو دیواندان ۵۰۰ دن بیر آز آرتیق غزلی سئچیب، تورکجه یه چئویرمیش و تورک ادبیاتینا هدیه وئرمیشدیر. حؤرمتلی اوستاد بو چئویرمه لرده چالیشیب ساده و شاعیرانه بیر دیل ایله بو ایشی باشا چاتدیرسین و بو ایشده باشاری گؤسترمیشدیر. بو کتابی تکدرخت انتشاراتی تهراندا چاپ ائدیب یایمیشدیر. ایندی بو کتابدان بیر اؤرنک اولاراق بیر غزلی اوخویوب، کتابین اوخوماسینی عزیز اوخوجولارا توصیه ائدیریک:

گوزگو اولوب جانیما آی کیمی آیدین اوزون،

هر ایکیمیز بیر ایدیک جان ایله جانان سیزین

کؤنلومه گیر، لانه ائت، آی تکی نازنده گئت،

عقلی هارا آتمیسان، سؤیله سؤزون بیر دوزون.

روحِ ازلدن سنین عشقین ایله مست اولوب،

بوردا قالیبدیر سنین روز ازلدن ایزین

قیصر روم دور گلیب باسقین ائدیب زنگی یه،

روحونو شا ائیله دی، قالمادی اوردا گؤزون.

آی تکی اوزون گؤ رجه گین آغلاییرام گاه – گاه،

عشقی حجتب ائیله دین عاشقینه سن اؤزون.

ارسال دیدگاه