ساری سوٍنبول / درویش

 

ساري دوْن‌لي، ساري سوٍنبول

ساري سوٍنبول، ساري سوٍنبول

ياري چوًپدي، ياري سوٍنبول

ساري سوٍنبول، ساري سوٍنبول

يازدا ياشيل، يايدا ساري

ساري سوٍنبول، ساري سوٍنبول

يارالديبدي سني تاري

ساري سوٍنبول، ساري سوٍنبول

تارلاميزدا منده ـ منده

ساري سوٍنبول، ساري سوٍنبول

اينسانلارين گوًزو سنده

ساري سوٍنبول، ساري سوٍنبول

وارا اوُمود، يوْخا اوُمود

ساري سوٍنبول، ساري سوٍنبول

آجا اوُمود، توْخا اوُمود

ساري سوٍنبول، ساري سوٍنبول

ساري ساچلي، ساري تئللي

ساري سوٍنبول، ساري سوٍنبول

اينجي بدن ـ اينجه بئللي

ساري سوٍنبول، ساري سوٍنبول

اَكينچي‌نين داياغيسان

ساري سوٍنبول، ساري سوٍنبول

ياشاييشين ياراغيسان

ساري سوٍنبول، ساري سوٍنبول

شن حياتين كاري سوٍنبول

ساري سوٍنبول، ساري سوٍنبول

باغچاسينين باري سوٍنبول

ساري سوٍنبول، ساري سوٍنبول

ياغيش ياغيب، دوْلوب دَنه

ساري سوٍنبول، ساري سوٍنبول

فايداليدي منه، سنه

ساري سوٍنبول، ساري سوٍنبول

ارسال دیدگاه