”بولود…” / اسماعیل اولکر

گئدیر، دونور، باخیر، دورور!..
بئله بولود، یاغان دئییل!
نیسگیللیجه بارداش قورور!
شیلتاق، شیلتاق شاخان دئییل!
قان قوینومو دیزله ییرم
عاییبلارین گیزله ییرم
الده سیگار، گوزله ییرم!
چاخماغینی چاخان دئییل!..
دوست ایدی بیر زامان بیزه
چال-چاغیر چیخاردی دیزه
نه جور اولدو گلدیک گوزه؟!
گوزه گلمک یالان دئییل!..
بیر زامانلار گویده بولود
گولده اوموت ایدی، اوموت!
”اولکر!” گل گئچمیشی اونوت!
بو زامان، او زامان دئییل!..

ارسال دیدگاه