آشنا گئتدی / دکتر جوادی زیوه

غریب قالدی اؤرک او آشنا گئتدی
بیزی یاندیردی سئوگی بی صدا گئتدی

یازیخ بولبول بئله سؤیلیر حزین باغدا
گؤزل گئتدی بو ائلدن گول ، صفا گئتدی

دولاندی درده سالدی بوفلک غمدن
محبت آیه سی یاندی بو دونیادان وفا گئتدی

صداقت اؤلدی انسانلیغ بوغولدی فاضلاب ایچره
دوتوبدی شیطان هر یانی اؤرکلردن خدا گئتدی

گیجل دوشدی، اؤلوم یاغدی ، عزا گلدی
گؤزل گئتدی آتا گئتدی آنا گئتدی

الولاندی چمن،چای،داغ،داش،هریان
اؤرک داغلی ، ائلیم یاندی،اوبا گئتدی

مَلَک منظر، آلا گؤز دیلربا دیلبر
منی ائتدی بو عشقه موبتلا گئتدی

آراز تک گؤزلریم آخدی ، قارا سیل لر
قارا گلدی گؤنوم ای وای قارا گئتدی

سیزیل لا سن سازیم منلن سحر آغشام
غریب یاندی اؤرک او آشنا گئتدی

جوادی زیوه

ارسال دیدگاه