یوسف و زلیخا قرآندا احسن القصص آدلاناراق، چوخلو مسلمان شاعیرلری نین دقتینی اؤزونه چکمیش و تورک ادبیاتیندا اونلارجا شاعیریمیز یوسف و زلیخا عنوانلی اثرلر یازمیشلار. او بیری طرفدن خطایی تبریزی شاه اسماعیل حطایی دان اؤنجه بیر باشقا شاعیردیر کی تاسوفله ایراندا تانینمامیش قالیبدیر. ایندی جوان ادیب و عالیمیمیز محمدعلی نقدی جنابلاری بو گؤرکملی شاعیرین اثری اولان یوسف و زلیخانی مجلس شورای اسلامی کتابخاناسی نین الیازماسی اساسیندا تصحیح ائدیب و ادبی جامعه میزه هدیه وئریبدیر. بو ده یرلی اثری تبریزده اختر انتشاراتی چاپ ائدیب و یاییبدیر.

شوبهه یوخدور بیزیم کلاسیک اثرلریمیز چاپ اولدوقجا اؤزوموزه داها آرتیق اینانیریق و گؤروروک تاریخ بویو نه قدر آنادیلیمیزده اثرلر واردیر و کئچن یوزایلده دیلیمیزین یاساق اولدوغو بیزیم خالقیمیزی خبرسیزلیکده بوراخمیشدیر. ایندی اینانیریق مینلرجه اثرلریمیز واردیر کی یاخین گله جکده بئله نقدی کیمی همتلی اوغلانلارین اراده سیله ایشیق اوزو گؤره جک و آذربایجان ادبیاتی تاریخینی ایشیقلاندیراجاقدیر. آرتیرماق لازیمدیر کی بوندان قاباق نقدی جنابلاری باشقا الیازمالار اساسیندا نئچه کتابی دا جامعه میزه تانیتدیریبلار او جمله دن: مولانا همتی انگورانی دیوانی، احقر انگورانی، ورقا و گلشای رکن الدین مسیحی و باشقالاری.  بیز نقدی جنابلارینا تبریک ائده رک، گله جه ییمیز اوچون اونا و اونون تایلارینا اومود بسله ییب و یئنی باشاریلار دیله ییریک.

yusef ve zoleyxa

ارسال دیدگاه