آذر کتاب توران ین مودیرلری ۵

دکتر بهمن نصیرزاده
بهمن نصیرزاده ۱۳۵۱جی ایلبده ماکی شهرینده آنادان اولموش و تحصیلاتینی یوکسک لیسانا قدر اؤز آذربایجانیمیزدا داوام ائتدیرمیش و دکتراسینی تورکیه دانشگاهلارین آلمیشدیر. بهمن بَی تدریس ایشینه درین علاقه گؤسته ریر و شاگیردلری نین اوره یینده انسان سئورلیک، محبت و چالیشقانلیق یارادا بیلمیش و مختلف درنک لرده فعالیت گؤسترمیشدیر. بهمن بی ماکی نین یلدا عنوانلی ادبی درنه یی نین مؤسس لریندن اولاراق باشقا شهرلرینده ده بیر فعال اؤیه کیمی اشتراک ائدیر. اونون ادب – ارکانی و صمیمی اولدوغو ائله اولموشدور کی نئچه ایل بیر شهرده ایشله دیگی اوچون او شهرین محبتینی ابدی اولاراق قازانمیشدیر. بهمن بی آراز تخلوصو ایله نئچه کتابی ایشیق اوزو گؤرموش، او هم اوشاق اوچون کتاب یازیر، هم تاریخیمیزه آراشدیریر و هم دیل اوزه رینده درین آراشدیرمالار آپاریر و اونون اوچ دیللی سؤزلوگو اللریده گزیر. آرازین کتابلاری بونلاردیر:
جلیل درهمجانی
۱۳۵۳ده میانا شهرینده آنادان اولوب و عالی تحصیل آلاراق آزاد ایشده چالیشیرسا دا ادبی فعال کیمی تانینیرو اونون گؤزل شعرلری چوخلو ادیب لرین نظرینی جلب ائتمیش و شعرلری حاققیندا گؤزل سؤزلر یازیلمیشدیر. درهمجانی جنابلاری گؤزل ادبی وئرلیشلرین آپاریجیسی اولاراق گؤزل دیکلمه هنرینه مالیک بیر شاعیردیر و چوخلو شهرلردن اونون بو هنریندن استفاده اوچون چوخلو ادبی درنک لره و شعر مجلیسلرینه چاغریلیب و صدرده اوتورموشدور. اونون شهر کتابلاری بو تئزلیکده ایشیق اوزو گؤره جکدیر. آما شعرلری چوخلو درگی لرین صفحه لرینی بزه میشدیر.

ارسال دیدگاه