لیلی و مجنون

لیلی و مجنون

 مولانا فضولی، غزللر دیوانیندان علاوه ۱۹ اثری ده واردیر. ۱۹ اثریندن بونلاری آد چمکمک اولار: فارسی دیوان، تورکی دیوان، عربی دیوان، لیلی و مجنون، بنگ و باده، رهد و زاهد، صحت و مرض، ساقی نامه، شاه و گدا، حادث اربعین، حدیقه السعدا، مطلع الاعتقاد، مکتوبات، صحبت الاثمار، جغتای – فارسی منظوم لغات، جمجمه نامه، رساله.

فضولی ایکی شاعیرین تشویقی و ایسته یی اساسیندا لیلی و مجنون مثنویسینی یازیر بو ایکی شاعیر عبارتدیر: خیالی بیگ و یحیی بیگ. البته بو ایکی شاعیر اؤزلری بؤیوک استعدادا مالیک شاعیرلردیر. بونو دا آرتیریم کی لیلی و مجنون ۱۸عصرده نئچه اوروپا دیللرینه او جومله دن آلمانجا، روسجا، ائرمنیجه و . . . چئوریلمیشدی. بونو دا آرتیرماق لازیمدیر کی لیلی و مجنون اثریندن چوخلو و بوللو الیازمالار واردیر، جالب ده بودور کی بو اثرین ایلک چاپی تبریزده ۱۲۲۹ گونش ایلی / ۱۸۵۱ میلادی دا چاپ اولموشدور. ایران چاپ اولان ایلک کتابلاردان کلیات دیوان فضولی دیر کی اونون داش باسما صورتده ایلک کتابلاردان تانینیر. بو کتاب دونیا اؤلکه لرینده چاپ اولموش و ایراندا دا فضولی دیوانی ایله کوراوغلو کتابی تامام تورک کتابلاریندان داها آرتیق چاپ اولموش، بلکه بوگونه قدر ۱۰۰ دفعه دن آرتیق چاپ اولموش و انقلابدان سونرا چوخلو ادیب لریمیز بونو چاپ ائتمیشلر.

   بیلیرسینیز کی نظامی گنجوی لیلی و مجنونو تورکجه یازماغا باشلایاراق آخستان بیگ – شیروانشاهلار سلطانی طرفیندن بیر قاصد گلیب و شاعیره بو پیامی چاتدیریر کی لیلی و مجنونو یا عربجه ویا فارسیجا یازسین. آنجاق نظامی بو سؤزدن ناراحات اولوب و نهایت اوغلونون ایسته یی ایله فارسیجا یازیر. مولانا فضولی لیلی و مجنونو یازاندا نظامی دن اسنقبال ائدیر و حتا بیر سیرا یئرلری عینا ترجمه ائدیر و نظامی دن حؤر متله آد آپاریر. او جومله دن نظامی بویورور:

یارب به خئایی خداییت

وانگه به کمال پادشاهیت

کز عشق به غایتی رسانم

کو ماند اگرچه من نمانم

از چشمه عشق ده مرا نور

وین سرمه مکن ز چشم من دور

گرچه ز شراب عشق مستم

عاشقتر ازین کنم که هستم

گویند که خود ز عشق واکن

لیلی طلبی ز دل رها کن

یارب تو را به عشق لیلی

هر لحظه بده زیاده میلی. . .

و مولانا فضولی بئله سؤیله ییر:

یارب بو حرمسرا حقیچون

بو معبد پر صفا حقیچون

قیل منده بنای عشقی دائم

مانند اساس کعبه قائم

سال کؤنلومه درد عشقدن غم

هر لحظه و هر زمان و هر دم

عشق ایچره مدام شوقوم آرتیر

شوقیله همیشه ذوقوم آرتیر

هر یانداکی عالم ایچره غم وار

قیل کؤنلومو اول غمه گرفتار

اندیشه عقلدن جدا قیل

عشقیله همیشه آشنا قیل

آرتیر منه شوق و ذوق لیلی

دائم منه اوندا قیل تجلی . . .

ارسال دیدگاه