بیری وارایدی ، بیری یوخ ایدی

«اؤیرتمن گؤز آلتی صنفی سۆزوردو ، گؤزو قاشقالؽیا ساتاشدؽ کؽ بایاق دان دؽر چانتاسؽن اێچینده نسه آختارؽر  هئچ فێکری اوْخونان درس‌ده دئییل

قاشقالؽ ؟! _اؤیرتمن سسلندێ

قاشقالؽ دێک آتؽلدی

بلی اؤیرتمنیم_قاشقالؽ جواب وئردێ

اوْغلوم بایاق دان دؽر نسه آختارؽرسان ! آمّا باخؽرام تاپا بێلمیرسن !

قاشقالؽ ائله کێ آیاق اۆستون‌ده اێدی جواب وئردی: اؤیرتمنیم پۇلوم یوْخدور

نئجه یوخدرو ؟!_اؤیرتمن سوْروشدو؟

یوْخدور اؤیرتمنیم_قاشقالؽ جوابلادؽ

اؤیرتمن قاشقالؽ نی

قارا لؤوحه‌نین اؤنوونه چاغؽردی وَ بۆتون صنفه سسلندێ

کیم آرا واختؽندا کیلاس دا ایدی ؟

بۆتون صنف بێر سسله دئدیلر ؛ هئچکس!

یالنێز  بیر نفر دۇردو آیاق اۆسته

اؤیرتمن من صنف‌ده قالدؽم_ بۇنو موْنچاقلی دئدی

 نه اۆچون صنف‌ده قالدین؟ اؤیرتمن سوْروشدو؟

اؤیرتمن آجمؽشدیم یئمک یئدیم

اؤیرتمن اێستدی دێللنه

قاشقالؽ دئدی؛ اؤیرتمنیم من ده اێستدیم بۇنو سێزه دئیه‌م من حیط دن صینفه گلنده گؤردوم موْنچاقلؽ منێم چانتام دا کؽ دۆرمجیمی اؤزو گؤتوروب و یارؽ بؤلوب یئییر

اێزین آلمادینمؽ؟ اؤیرتمن مونچاقلؽ دان سوْروشدو

منێم‌له قاشقالؽنین آرامؽزدا بۇ سؤزلر یوْخدور آخی بێز هم بێر سؽرام‌دا ایله‌شێریک و هم دوستوق _ موْنچاقلؽ دئدی

اؤیرتمن آجؽقلاندی نئجه یوخدور ؟

قاشقالؽ دئدی اؤیرتمن موْنچاقلی دۆرمجیم تک پۇلومو دا گؤتوروب

اؤیرتمن هر اێکیسین ده مۆدیره خانؽمین صنف‌ینه گؤندردێ

مۆدیره خانؽم بۇ دۇرۇما چوخ اۆزولدو و شاشؽردی آخی بۇگۆنه قدر تۆلکولر اوخولوندا بئله بیر اێش‌اوْلمامؽشدیر  سحرێسی گۆن هر اێکیسین ده بؤیۆکلری ایله اوْخولا گلمسێن اێستدی

سحرێسی گۆن قاشقالؽ ائله آناسؽ اێله مۆدیره خانؽمین صنفینه گئچرکن موْنچاقلؽ و آناسین گؤردولر کێ اۆزگون_اۆزگون اۇستول اۆستونده ایله‌شمیشلر،

قاشقالؽ‌نین آناسؽ دۇردو موْنچاق‌لؽ‌نین آناسین اؤنونده ،  مونچاقلؽ‌نین آناسین  الین‌دن تۇتدو  و باشلادؽ دانیشماغا

من اوْغلوم آدؽنا هم سێزدن و هم موْنچاقلی اوْغلوم‌دان چوخ عذر ایستیێرم دونن اوْخول‌دان گلر کن منه بۆتون اوْلوب_بێته‌نی آنلاتدؽ سن دئمه پۇلون چانتاسؽنا قوْیارکن دۆشوروب چؽخیش قاپؽ‌نین اؤنونه

بۇ گۆن‌ده گلێب یوْلداشین‌دان عذر اێستمه‌یه

موْنچاقلؽ‌نین آناسؽ دئدی؛ اصل عذر منێم اوْغلوما عاید دێر  اوْنون اێزنی یوْخ اێدی اێزین سێز بێرینین چانتاسؽنا اَل وۇرسون

مۆدیره خانؽم بۇنو گؤروب و اۆز توتدو

موْنجاقلؽ و قاشقالؽ لا سارؽ، باخین اوْغلانلارێم

بێزیم حاقؽمیز یوخدور هئچکسین وسایلینه اێزین‌سێز اَل وۇراق  حتی ایه‌ر او آدام بیزیم یاخین جان_جێییریمیز اوْلسا و اَن اؤنملی‌سی بێزیم اێزنیمیز یوْخدور  آرخایؽن اوْلمادان کێمسه‌یه لکه وۇراق

اۇلدومو، ایستر یاخؽنؽمیز‌ اوْلسون ، ایستر یئددی آرخا اۇزاغؽمیز _بونو مۆدیره خانیم دئدی

 مونچاقلؽ و  قاشقالؽ ، بلی! دئیه جواب وئردێلر

و بارؽشیب صنفه دوْغرو مۆدیره خانؽمین اوْتاغین دان چؽخدؽلار

«سوْن»

ستوره ایمانقلی خیاوی

ارسال دیدگاه