نهج الفرادیس

نهج الفرادیس

محمور ابن علی کردرلی

تصحیح: بهمن نصیرزاده / کاظم حبیبی

ناشر: مختومقلی فراغی

قطع: وزیری / ۴۱۴ ص / قیمت ۷۰۰۰۰ تومان

تورک ادبیاتی نین اساسلی نثر اثرلریندن بیری ساییلان نهج تافرادیس ۷جی عصرین ده یرلی اثرلریندن دیر کی محمود کردرلی یازمیشدیر. بو اثر دینی بیر کتاب اولاراق پیغمبرین ۴۰ حدیثی نی تورکجه یه ترجمه ائده رک اونلارا شرح لر یازیر. محمود کردرلی بیر فقیه و دین آدامی دیر و حدیث علمین ده تانینمیش شخصیت لردن دیر. بو اثرینی ائله گؤزل یاراتمیشدیر کی یازاریندان آد اولماسا دا، اثری کئچن ۸۰۰ ایل عرضینده تامام تورک دونیاسیندا یاییلمیش و خالق ایچینده اوخونورموش.

بو اثر، تورک دیلی نین ادبی نوعونی داها آرتیق دقت لره چاتدیریر چونکی بورادا هم ساده و هم چوخ دقیق بیر ادبی دیل ایله اوز – اوزه گلیریک و ادیب لرین دئدیک لرینه گؤره بو اثری دیلی تامام تورک دیللرینه اویغون و هامیسی نین یئری ساخلانیلمیشدیر. بونا گؤره نهج الفرادیس بیر دیار و اؤلکه نین دیلی یوخ، بلکه بوتون تورک لرین اویغور – اوغوز، قبچاق و باشقا لاری نین دا دیل اؤزه للیک لری بو اثردن ساخلانیلمیشدیر. بو باخینمدان آذربایجان تورک ادبی دیلی نین ده خصوصیت لرینی بورادا گؤروروک.

کتاب چوخ معروف اولسا دا، ایراندا چاپ اولمامیشدئیر و ادیب لریمیز تکجه بیر تکراری سؤزلری بیر بیری نین دیلیجه تکرارلاییردیلار. آنجاق ایندی بو محتشم اثر الینیزده دیر و اونو ایکی عالیم: دوکتور بهمن نصیرزاده و کاظم حبیبی جنابلاری تامام علمی صورتده اصل الیازمایا صادق قالاراق تصحیح ائدیب و چاپا یئتیرمیشلر. آنجاق بیر مقدمه ده کتابین چوخلو دیل گرامرینی و سؤزجوکلرینی ده گؤزل صورتده ایضاح ائده رک اوخونوشونو ساده لشدیرمیشلر. ایندی اثر نفیس بیر فورمادا اللرده دیر. کتابی دیلیمیز و ادبیاتیمیز اوغروندا ده یرلی بیر آددیم کیمی ده یرلندیریب و اوخوماسینی توصیه ائدیریک.

ارسال دیدگاه