یئنی شئعر

گؤزلریمدن دوشوب هر بیرزاد کی سندن نیشان‌دیر.

نئیله‌ییم سن اولان ‌خاطره‌لری؟!

هارا آپاریم بو آلا و لال کدری؟!

من‌ایدیم و بیر دونیا گولوش و قیزیل گولومون سایسیز غنچه‌لری!

نه اولدو دؤشندیم یانار دؤشونه؟!

نه اولدو اوزولدوم باهارین یاشیل یارادان قوینوندان؟!

نه گلدی دلی و دیوانه یازیما؟!!!

ایندی سندن ائی گوناهلارین شاهی من قووزانییرام.

کور پنجره نین اؤزوندن آستاجا توزلو پرده لری آچیرام.

گؤزلریمین تووشوندا اوفق آللاهی “اکبر” دئییر. آلینی ترله‌ییر و بولودلارین اووجوندان “لاالاهه” یاغیر. سونرا سس‌سیزلیکده منه آنلاملی باخیر و قاشی بیردن قارالیر.

آخشام دستمازیمدان، گوناه‌لاریم  قارانلیغین قارنینا توختاق تؤکولور …

ناهید  نصیری

ارسال دیدگاه