ایلک گؤروش / س. جامعی

اونۇ ایلک گؤرنده،اؤز_اؤزۆمه دئدیم بو یاخشی بیریدیر.

اوْنو سئو،اوْنو قوْرو،اونو اێتیرمه…

یارالاری وارمؽش کیمی گؤرۆنۆردۆ،دانؽشماغا احتیاجی وارایدی.

یاخشؽ بوْغولموشدو،یاخشؽ دوْلموشدو،اما یاغمامؽشدؽر.

هر زامان گؤزلری یاغاجاق کیمین باخؽردی،کدرلی‌ایدی،آچؽقلاماق ایسته‌ییردی اما سوسماغؽ اۆسته‌لیک‌له‌ییردی.

زامان کئچدی…اما سئودیم

بیر مدت هرشئی یوْلۇندا گئدیردی،اما هر گؤزل شئی کیمی سوْنا گلدی.

من گئده‌جه‌یێنی حیس ائدیردیم،یاخشؽ‌لاشمؽش بیر خسته کیمین ،یارالاری ساغالمؽشدؽر،سانکی گئتمه‌یه حاضؽرلاشمؽشدؽر،

اینجیدیم،کدرلندیم،اۆزۆلدۆم،اما نه فایدا،گئده‌نی ساخلاماق اولمازکی.

اؤز_اؤزۆمه دئدیم بلکه‌ده سئومه‌میشدیر،یادا سئومیش کیمین گؤسته‌ریردی…

نه ایسه من اونون گئدن یئریشینه‌ده وورغونام،

عیبی یوْخ راضؽ‌‌یام «گلسین…گلسین…یئنه‌ده گئتسین»

س.جامعی

ارسال دیدگاه