آسیلی دویغولار / س جامعی

 

 

«آسؽلؽ دۇیغۇلار»

ساعات‌لارجا اوْتوروب پنجره‌دن،کئچدێیێمیز اوْ یوْللارا گؤز تیکیرم.هله‌ده آختارؽرام سنی اوْ کئچدێیێمێز کۆچه‌ده.

اوْ آنلارکی لحظه‌ده یاشایؽردؽق،اۆره‌یێمێز دوْلۇسئوگی‌ایدی،گۆلۆش دوْداقلارؽمؽزدان سیلینمه‌ییردی،ائله بێل بیراۆرک ایکی جاندا چؽرپؽنؽردؽ.

هله‌ده اللرین اێستی‌سین دۇیۇرام اوْوۇجلارؽمدا.هله‌ده آدؽن کئچن جۆمله‌لرله دوْلدۇرۇرام گؤزلریمی.هله‌ده من‌ده قالؽب اوْ سوْن باخؽشلارؽن.

نیه اۇنۇدا بیلمه‌ییرم آخی سنی…؟

هئچ بیلمه‌ییرم دیل آچاجاق‌مؽ آغرؽلارؽم؟سؤنه‌جک‌می ایچیمده‌کی بواوْد…

اۇنۇدا بیله‌جه‌یم‌می سنده ایتیردێیێم عکسیمی؟

تاپا بیله‌جه‌یم‌می سنده ایتیردێیێم سئوگینی؟

گۆجلۆ‌سن دئیێردێن …چوْخ گۆجلۆ…گۆجۆمه گۆوندین‌می بؽراخدؽن اللریمی؟!

امما داها گۆجلۆ دئییلم،بیلمک ایسترسن،قانایؽر اۆره‌ییمین،توْخۇندۇغۇن هرپارچاسؽ.

اێنان گئدیشین‌له ائله بیر بوْشلۇق یاراددؽن قلبیمده کی «هئچ زامان‌دا اونا داوا اوْلا بیلمه‌یه‌جک»

س.جامعی

 

ارسال دیدگاه