“نظامی گنجوی و یونوس امره اثرلرینده اورتاق باغ‌لار” مؤوضوسوندا بین الخالق علمی کونفرانس کئچیریلیب

مای ۲۰۲۱-جی ایل تاریخ‌لرینده تحصیل مدیرلری و متخصص‌لری درنه یی، آذربایجان دیل‌لر اونیوئرسیته تی و بین الخالق دیل متخصص‌لری درنه یی‌نین بیرگه تشکیلاتچی‌لیغی ایله “نظامی گنجوی و یونوس امره اثرلرینده اورتاق باغ‌لار” موضوعسوندا بین اللخالق علمی کونفرانس کئچیریلیب. زوم پلاتفورماسی اوزه­ریندن آنلاین فورماتدا کئچیریلن تدبیری تحصیل مدیرلری و متخصص‌لری درنه یی‌نین آذربایجان تمثیلچی‌سی گول­نوره باباشووا آچیب. داها سونرا بین الخالق دیل متخصص‌لری درنه یی‌نین رهبری دینچئر بکتاش، تحصیل مدیرلری و متخصص‌لری درنه یی‌نین رهبری دؤکتور آدم چیلک و آذربایجان دیل‌لر اونیوئرسیتئتی‌نین رئکتورو آکادمیک کمال عبدالله چیخیش ائدیب‌لر.

کونفرانسین آچیلیش پانئلینده آمئا فولکلور اینستیتوتونون دیرکتورو، آکادئمیک مختار کاظم اوغلو ایمانوون، یازار مصطفی اؤزچئلیکین و باندیرما اونیئدی ائیلول اونیوئرسیتئتین‌دن دوچ. دؤکتور عثمان اونلونون معروضه‌لری دینله نیلیب. آکادئمیک مختار کاظم او‌غلو-ایمانوو “نظامی گنجوی و یونوس امره ارثینده کامیل اینسان مفهومو” موضوعسوندا چیخیش ائده‌رک بیلدیریب کی، نظامی‌نین یونوس امره، نسیمی، نوایی، فضولی کیمی تورک دیلینده یازان شاعرلرله مقاییسه‌ده تدقیقی اونون تورک میللی وارلیغینا باغلی‌لیغینی اؤیرنمک باخیمیندان اولدوقجا اهمیت‌لی‌دیر. آکادئمیک سؤزونه علاوه ائده‌رک دئییب کی، نظامی فارسجا یازسا دا، چوخ سایدا تورک سؤزلری – “سانجاق”، “یایلاق”، “اوزان” و س. ایشله دیب. مختار کاظم اوغلو-ایمانوو وورغولاییب کی، یونوس امره و نظامی ارثی‌نین اورتاق جهت‌لرین‌دن دانیشارکن ایلک نوبه‌ده، عرفان تعلیمیندن دانیشماق لازیم گلیر. بو تعلیمه گؤره، محبت اینسانین کامیللشمه‌سی‌نین و حقه قوووشماسی‌نین اساس یوللاریندان‌ بیری‌دیر. عشق فلسفه‌سی‌نین هم نظامی گنجوی، هم ده یونوس امره یارادیجیلیغیندا پارلاق ائپیک و لیریک لوحه‌لری واردیر.

ایکی گون داوام ائدن کونفرانسا آذربایجان و تورکیه‌دن ۶۰-دان آرتیق ایشتیراکچی قاتیلیب. تدبیرین سونوندا شعر یازما، شعر اوخوما و رسم صنعتی اوزره غالب اشتیراکچی‌لار موکافاتلاندیریلیب.

 

 

ارسال دیدگاه