قیش / اخوان ثالث / ترجمه: اصغر علمی

قیش

ایسته میرلر سلامین آلماغا باش قاوزاماغی

گؤروشمه گه یولداشلارینان

باشلار بویونلاردا

گؤز گؤره  بیلمیر آیاق آلتین

زیویلداقدیر یئر

قارانلیق دیر یول

ال اوزادسان کیمه ساری

کونول سیز چیخارار  قوینوندان ال

کی سازاقلی دیر سویوق

نفس کی کؤکسون تندیریندن چیخیر

اولور قارا بولود

دووار چکیر گؤز قاباغیندا

نفس کی بئله دیر ، دای نه گؤزلورسن

گؤزوندن اوزاق- یاخین یولداشلاردان.

منی دیریلدن ایگید

کوینگی چیرکین  قوجا ترسام

اینانیلماز سویوق دور هاوا

نفسین ایستی، اوره گین شن

سلامیمی سن آل، گئل آچ قاپینی

بو منم هر گئجه¬ ن قوناغی، اوره¬ گی دولموش د¬لی

بو منم داش آلتیندا قالمیش الی

بو منم یارانیشین پیس یامانی، قولای ماهنیسی

نه زنگ دن، نه روم دانام، ساده جه بیر انسانام

آچ،گئل آچ قاپینی، دولودور اؤره¬ ک

قاپیدا یئل کیمی اسن، آیلار، ایللر قوناغین دیر

دولو یوخدور، اؤلو  یوخدور

بیر سس ائشیدیرسن سه

قیش سسی دیر، دیش سسی دیر.

گلمیشم بو گئجه بورجومو  وئریم

بورجومو وئریم، خرجیمی وئریم

نه دئییرسن گئج اولدو، گئجه کئچدی، سحر اولدو

گویده قیزارانتی سحردن دگیل آلدانما

قولاق قیزارماسی، قیشین سیلله سی¬دیر بو

و بوزلارین ساللانماسی، اؤلو دور یوقسا  دیری دیر

اؤلوم  توزو باسمیش

قارانلیغین قالین تابوتی ایچینده گیزلنمیشلر

یاندیر  می چیراغین، بیردیر گئجه ،گوندوز

ایسته میرلر سلامین آلماغا باش قاوزاماغی

بوغونوقدور هاوا

قاپیلار باغلی، اللر گیزلی، باشلار بویونلاردا

نفسلر بولود، اؤره¬ ک لر یورقون، دردلی

آغاجلار بوزلا  بزه نمیش اؤلولر

یئر اؤلگون، یاپیشمیش یئره گوی

توزا باتمیش آی ، گون.

قیش دیر.

 

  • مهدی اخوان ثالث¬ین زمستان شعرینین ترجمه سیدیر

ترحمه: اصغر علمی

 

ارسال دیدگاه