کؤچ هاواسا / مهران نظری افشار

 

کوچ هاواسی باشیندادی

دیلیم  کوتدو  کسمز  یولون

قورخو سنین یاشیندادی

ها دولاندیم ساغین سولون

 

تلسمه خاطیره ن گلیر

کونلوم یاسدی قالان دئییل

سؤزون اوزو سنه گولور

بیلمه دیین     یالان    دئییل

 

کولگه سالما اورکلره

ایتگین گتگین یول توزوسان

قاتما اؤزون  ملکلره

ملک لییندن         پوزوسان

 

 

داها بو یولدان پای اولماز

تیکمه گؤزون آیاغینا

دیللر   خبر لرین    یولماز

ال آتاسان قوجاغینا

 

یاریتمادین دوزگون سئوگی

اوزون آغ اولسون گؤزومده

مهران یایدی درگی _ درگی

بلکه دوشوندون سؤزونده

 

مهران نظری افشار

 

 

ارسال دیدگاه