مهربان آنا – حسن ساری زاده

مهربان آنا

کرونا گونلری بیر چوخ عزیزلریمیزی الدن وئردیک.

آذربایجان خالقی آراسیندا – باشقا خالقلار کیمی – رسم دیر  دونیادان کؤچنلر اوچون تؤره نلر قوروب اونا رحمت دیله یرلر و اونون یولوندا ضیافت قوروب احسان وئررلر.
بیزیم عزیز دوستوموز و آذر کتاب توران ین بؤیوک اوستادی حسن ساری زاده جنابلاری، اؤز قایناناسینی الده وئردی، بو رحمتلیگه احسان وئریم – دئیه، بیر کتاب چاپ ائتدیردی و کتابی احسان پایلادی.
مهربان آنا بو یولدا یاییلدی. بیز، ایلک اؤنجه بؤیوک اوستاد و گؤرکملی یازاریمیزا توختاقلیق آرزولاییب، او رحمتلیگه باغیش دیله ییریک و اوستاد اوچون بو گؤزل احسانی اوچون درین تشکورلریمیزی بیلدیریریک. بئله دب لری یولا سالمادا بئله اوستادلار لازیمدیر!

کتابین تانیتیمی:

مهربان آنا

توپلایان: حسن ساری زاده

ناشر: تبریز، سومر نشر

۱۳۹۹

بو کتابدا ۵۹ شاعیرین آنا حاققیندا یازدیغی شعرلر گلمیشدیر. ۵۹ شاعیر، رحمتلیک آنانین ۵۹ یاشی اوچون سئچیلمیشدیر!

بورادا آذربایجانیمیزین اوتایلی – بوتایلی شاعیرلریمیزین آنا حاققیندا سؤیله دیگی شعرلر گلمیش و اوستاد ساری زاده جنابلاری – دوستلارییلا برابر – بو گؤزل شعرلری توپلاییب، سئچیب و بو کتابدا یئر وئرمیشلر. شعرلرین هامیسی گؤزل، اوره یه یاتان و آنا قوخوسویلا عطیرلنمیشدیر.

دوستوموز اوستاد ساری زاده یه یئنی – یئنی اوغورلار و باشاریلار دیله ییریک. عمرو اوزون، قلمی یازار اولسون!

ارسال دیدگاه