دویغولو گئجه لر / زهرا بادره (آنا)

  گولدانا خانیمین ناغیللاری

شکسیز،  بوگون آذربایجان دنیا دیل و ادبیات چرچیوه­ سینده، حیات فلسفه­ لی یاشاملارین ادامه­ سینده… گؤزل _گؤزللیکلرین قات – قاتیندان اوره ­کلر اوخشایان ناغیلارین، شعیرلرین، موسیقی ملودیلارینین آخارلارلاریندا،  ترنومله قلملرین گوجلنمه­ سی  اؤزون گؤرستمکده ­دیر.

یازیچیلاریمیزین، شاعیرلریمیزین فیکریندن قوپاریلان شعر، ناغیل و مختلف قالیبلرده ادبیاتیمیزین دوشوندوروجی مفاهیملری درین مفکوره ­لره باغلی کئچمیشلرین ایزیدیر. و نه گؤزلدیر قلملر، اطرافلی یاشام و طبیعتین اورکلر اوخشایان الوان چیچکلریندن رنگ آلا – آلا  حیاتیمیزی بیر  استاد رسّام کیمی شاعیر و یازارلاریمیزین دانیلماز گوجو و قدرتیله  بزکلندیره …..

قلملریمیز یئنی فیکیرلر معناسین آچماق قرارین بیتیردیکجه… داستانلار، ناغیلاریمیزیندا قوراللاری دییشلیر… آنلاملار مفهوملار آندیرما نیّتیله قاباغا گئدیر.

 یئری واردیر بوتون کئچمیش تاریخیمیزین جانلی و گوجلو پیامینی، دنیانین معتبر تاریخی مؤزه ­لرینده دووارلاردان آسیلی تابلولاردادان  ائشیدک، رسّاملارین فیرچاسیندان قلملریندن ائشیدک…

  بو اثرلر، بوگون چیلپاقجاسینا قلم و فیرچالاریمیزین آخیشین آچماقدادیرلار  و انسانلاری فلسفی دوشونجه­لر و علمی باخیملار قالیبینده آیدینلاشدیرماقدا…ایناناغین. گنج و گوجلو یازیچی  و شاعیرلریمیزین  معاصر ادبیاتیمیزین داواملانماسیندا  دانیلماز ایزلری و سهم لری وار و ایندی پارلاق اولدوز تک قارانلیقلارین ابهتین سیندیرماقدادیرلرا. من بو دَییشیکلیک و یئنیلیک لرین  آغیرلیغیلا، مدرن فورمادا بسله­ نیلمیش مختلف یادداشتلاریلا برابر یازارلاریمیزین  فیکیر دورولوغوندا واونون آخیجی­لیغین معاصر ادبیاتیمیز. آچدیقجا نه تکجه بوتون کؤهنه  قالیبلرین اؤوولملاری تام غرورلا حیس ائدیرم… بلکه حیاتیمیزدا دنیا دیل قوراللارینین علمی و صداقته باغلی کؤکلو ادبی گؤسته­ ریشلرینده پایلاشماسیندا بیرلیک و سئوگی ترنّمون گؤرورم و طبیعی­دیر کی سؤزجکلریمیز  تام مهارتله درین قایناقلاریمیزا اؤنم وئرسین، یازارلاریمیزین فیکرینده باهار طراوتلی چیچکلرین  چیچکلنمه­ سینه گؤزَللیک باغیشلاسین… اونلاری آچسین…

من بو سیرادا گؤزل اولار اشاره­م اولسون عزیز و مهربان  یازیچیمیز «آنا» تخلوصلی (زهرا بادره)یه ….

زهرا بادره «آنا» خانیمین  مختصر شخصی و ادبی حیاتینا آناخانیم ۱۳۴۲جی ایلده تهراندا دنیایا گؤز آچیب. آتاسی گونده لیک ایش و معیشت مجبورییتینده همان ایل اؤز دوغما یوردو آذربایجان، اردبیل شهرینه کؤچور.

آنا خانیم بویا  -یاشا دولدوقدا ابتدایی و راهنمای صنفین موفقییتله الده ائدیر. ۱۳۵۸جی ایلده شفقت باجیلارینین  پیشه مکتبی (آموزشگاه بهیاری) آد یازدیریر.

۱۳۶۲جی ایلده همان پیشه­ ده دیپلم آلیر و ائله همان ایلده خسته خانیا بیر شفقت باجیسی کیمین داخیل اولور ۱۳۶۴ جی ایلده عاییله قوروب، ۱۴ ایل اردبیلده اؤز تجربه­ لرین آرتیردیقدا ۱۳۷۳ جی ایلده عاییله­سیله بیرلیکده  تهرانا کؤچور و نهایت ۱۳۸۳جی ایلده بیر یاشلی و آغیر تجربه­ لی امکلیلر کیمین امکلیک مقامینا چاتیر (امکلی: بازنشسته)؛ یورقون  و آغیر تجربه ­لی، آنجاق او جور کی گؤرونور هله ده آختاریر …

هله ده واردیر ایللر الده ائتدییی تجربه ­لری بؤلوشمک ایستیر. یازیب – یاراتدیقلاریلا، رمان و ناغیللاریلا….!!

آنا خانیم اگرچی آز مدتدیر الینه قلم آلیب، ولی ایللردیر مختلف ساحه­ لرده یورولمادان  آغیر – آغیر رومانلارین، تاریخیمیزین، ادبیاتیمیزین اوخوجوسو اولوب، ایللر مختلف ادبی انجومنلرده واقت آییریب اشتراک ائده­ رکن  بؤیوکلرین خیدمتینده اوتوروب، قولاق آسیب  و بیر اؤیرنجی کیمی اؤیره­نیب… و ایندی یازیلارینا باخدیقجا  گؤرونور کی بیر پیشمیش تجربه ­لی قلم صاحیبی تک دیلینه -ائلینه آرخالانیر.

آنا خانیم  داخیلی  حیس، ایستک و سئوگی ایله، ائلینه باغلی بیر مهربان آنا و انسان کیمی، ظریف احساسلا  قلم و ادبیاتیمیزین گؤزللیکلرینی   آددیم- آددیم  یاشاماقدادیر …و سئوگی یوللارینین آخاریندا درین دویغولو، احساسلی، یازیلاردان سؤزولن ترننوملری، شیرین خاطره­لری گله ­جه ­یه اؤزو ایله تام اینام و صداقتله  داشیماقدادیر …باخمایاراق کی قلمین هر ایکی دیلده (تورکجه – فارسجادا)سیناییب ولی منجه  تام  باجاریقلار بو آغیر مسئولیّتین عهده ­سیندن باشی اوجالیقلا چیخیب؛ البته بو موفقییت یالنیز منیم فیکریم یوخ، بلکه اونون یازیلاری و قلمینین ساده ­لیکله بوتون سؤز و سؤزجوکلرین آرالاریلا  آخاریندا آخارلیغین  گؤسته­ ریر.

 دولان  بولود  بوشالاجاق- بو رسمیدیر طبیعتین…!!

بوگون آنا خانیمین گؤزل- گؤزل ناغیلاری، رومانلاری  ایستر تورکجه­ده و یا فارسجاداکی اینانیلماز بیر سئوگی و محبنله ایشیق اوزو گؤروب هر اوخوجونو  بیر بؤیوک آهن­روبا کیمی اؤزونه ساری چکمکده­دیر.

یئری واردیر الده ائتدیگینیز (گولدانا خانیمین ناغیلاریندا) آنا خانیمین پاک عاییله قورولوش محبتینه  و اونون عاییله­ یه باغلی مهربان باخیشین، بیر گنج قیز کیمی،  آتا محبتیندن آسیلی اوره­یینه اشاره ­میز اولسون.

«هه…  گوزگو باجیم … جانیم… بو دون منی نه قدر گؤزللندیردی، کئشکه آتام رحمتلیگین عؤمرو چوخ  اولوردو… نئجه ساری دون گئیه ­نده منی  بتر سئوردی، قوجاقلاییب، مئهربان دوداقلارینی اوزومه یاپیشدیریب دییردی: گولدانا قیزیم گولدانادی… آتا، آناسینین  جیرتدانیدی».

یا

« آخشام چاغی ساعات آلتینی اون دقیقه کئچمیشدی، گولدانا خانیم بلیطینی چانتاسینین ایچینه  توللاییب،  سالنین  بوجاغیندا،  اوستولدا اَیله­ شیب ساعاتین عقربه­لرینه گؤزلرین تیکدی .

پاییزین اورتا آیی­دیر، آچیق قاپیلاردان سویوق یئل، ایچری کئچیب-گئتدیکجه سویوق هاوا،  جانیندا یئرلشیر، جانی تیترمه ­گه باشلادی: آی جانیم من گئدیرم ناخوشلایان آناما یئتیشیب پرستارلیق ائده­م! ایندیسه   اؤزومه سویوق دَییب، ناخوشلاسام،  نمنه ائله­ مه ­لی­یم؟ »

بیرده، قصدیم یوخ کتابین مختلف نمونه­ لرین آچیم ولی ایستردیم اشاره ­م لولسون محبتین سون زیروه­ سینده قلم آخارینا ..!!

و آنا خانیمین تام مهارتله اؤزو بیر آنا اولاراق ،الده ائتدیینیز کتابدا آنا محبتینه باغلی بیر ایلگیه…

«گولدانا خانیم، قارین آلتیندا،  یول گئده – گئده فیکیرله­ شیردی، نئجه یاخشی اولار،  اؤزومدن بیر شکیل چکیب، اوغلوما گؤنده­ریم .

هه… گؤزل  اولار هاااا …یاشار، او دؤنه مندن تزه شکیل ایسته ­میشدی،   قارین دنه­ لرینین آلتیندا منظره ­لی، شکیل چکیم، گؤندریم ».

 نهایت عزیز دوستلارا یورولمایین دئییب دعوت ائدیرم،  آنا خانیمین قلمینین گؤزل و ساده ­لیکله آخارین گؤلدانا  خانیمین حیاتیندا دوغرولان

آنالیق  محبتینین، سئوگیلرین کتابین ایچینده حیس ائدیب سینیاسیز.

زهرا بادره « آنا »دان چاپ اولان اثرلر:

۱ -سی سال زندگی در بیمارستان

  ۲_ داستان خدا

  ۳_ گذر از اندوه

  ۴_ قارا بوغما

  ۵_ رقص اندیشه­ها (احمد دولت­آبادی ایله بیرلیکده)

ساغ اولون

عظیم غلامعلی­پور «سحر»

ارسال دیدگاه