قادین / نسرین دنیز

بو گون بو یاخینلاردا بیر قادین اؤلدۆ !…

نه‌دن اؤلدۆ ؟

کیم اؤلدۆردۆ؟

کیمسه هئچ واخت بیلمه‌یه‌جک…

بو اؤلکه‌ده بیر کیشی‌ ده اونا هاوا چیخمایاجاق!..

اونون بئله اؤز قیزی‌ دا طرفینی توتمایاجاق!

نییه اؤلدۆ بو قادین ؟

هامؽ گلیب سوروشاجاق

تأسسوفله‌ ائشیتدییین‌ دۆشونمه‌دن آغزین آچیب هئی یوماجاق!

اوتوردوغو یئرده بئله اونون صؤحبتین سالاجاق

بئشین‌ده اوستونه قویوب باشلایاجاق

آچاجاقدیر گؤزل آغزین گؤزلری ‌ده یومولاجاق

یوخ عاغلینا گلدییینی یوکسک سسله دانیشاجاق

بو سؤزلرین سونوندا دا

نئچه نفر گلیب بونون، سهو سؤزۆن آلقیشلایاجاق

بیر _ ایکی آی بوندان قاباق قادین گونون قوتلایانلار !..

قادین‌لارا شیددته‌ یوخ هشتکینی‌ پایلاشانلار!

سیزینله‌یم .!

همن آدام دئییلسینیز؟

ایندی نییه بو سؤزلری بو ساولارؽ دئییرسینیز!؟

الله‌دان می؟ قورخماییرسیز ؟

بنده‌‌سینین‌ گؤزلرینه باخماقدان‌‌ هئچ

عجب‌ده‌یم ،

نییه سیزلر اوتانمیرسیز !

حاقلی سانیرسینیز نییه ، سیز قادین اؤلدۆره‌نی!؟

بیر سانماییرسینیز نه‌دن ؟

سیزلر قادین‌لا ، ارکه‌یی؟!…

آرواد ظعیفه‌دیر دئیه‌ن!؟

هاردان تاپدین بو سؤزلری؟؟؟

سن دئیه‌ن سؤزلرین بیری ، قورآن‌دا دا یازیلماییب!

قادؽن‌لارؽ کیچیتمه‌دن

دئیین گؤرک آماج‌ نه‌دیر؟

آچین سؤزۆن بیز ده دویاق

قادین‌لارین محو اولماغین نه‌دن بئله سئویرسینیز؟

آنانؽنزؽ ، باجینیزی سیزلر بئله سئویرسینیز؟

گؤزل یوردوم ،سن منه دئ

کیملر اوغورلادؽ سنین ، گؤزل گؤیچک کولتورۆنو؟

کیم‌لر وئردی قولتوغونا ، آروادا زور دئمک سؤزۆن؟

سانکی همن یئرلر دئییل

سایغی دوْیاردؽ قادینا!…

قیلینج‌لارؽ تاخاردیلار ،

یئره قادؽن خاطیرینا…

بیر زامان‌لار ، بو دییار دا ، دیه‌رلییدی قادین سؤزۆ !.

یازیق‌لار اولسون سیزلره …

اؤز فرهنگین ، اؤز تاریخین ، آیاغلاییب کئچن‌لره

سونوندا‌ سؤیله‌ییم سیزه

آرخا دورون قادینلارا

قادین یانی گله‌جه‌یین ایشیق یولو

قادین یانی یئنی نسلین‌ کؤکو کوْلو

نه‌ اتسه‌نیز قادینلارا …

ایکی قاتی قئییده‌جک

سئوگی‌دن _ سئوگی دنیزی

نیفرته‌_ نیفرت بیته‌جک

ارسال دیدگاه