قار آدامی / رضوان حاجی قاسملو (جانای)

 

گؤزلرینـده اَزلـدن، قیـش دوغولـدوم
بیـر گؤزونده سـئوگی، بیرینـده ده من
َ کیپریگینـه بوکدون، شـاختادیمه‌سـین
اولموشـدون کولک‌دن، قار آدامی سـن

سـئوگینه یاناشـدیم، حسـرت گؤزونده
ســؤیله‌دی کولکلــر، شــاختالار ســنه
َ اورییـن یـوخ سـنین، سـئوگین ده اولا
نئجـه بس گؤزونـده، یئـر آچدین منه؟

بیرجـه جیغیـر یولو، آچسـایدیم آنجاق
َ یـول سـالاردیم، بوزلـو اوریه سـاری
َ اورییــن اولدوغــون، قانیتالایایدیــم
ائو قـوروب قالاردیـم، کؤنلونده باری

گوونمــه کیمســه‌یه، آی قــار آدامــی
بــونلار آغـلـار گؤیــه، خــراب دییرلر
بـو زمـان دا اویمـا، سـاختا سـئوگیيه
داراشـیب گؤزده‌کـی، سـئوگین ییرلر

گونـش دیله توتوب، آلدادسـین سـنی
ســاختا محببتلــه، باغرینــا باسســین
اَریدسین سـئوگینی، سالسین گؤزوندن
قاینادیـب بوغلادیب،گؤیلردن آس‌سـین

دئمیشدیم‌ گوونمه،ســاقین کیمســه‌یه
یالانچـی گونشـده، سـئوگینی قاپـدی
ایســته‌دی قویلاســین، بولــود باغرینــا
آبتـال اینانجیـلار، سـئوگینی چاپـدی

اؤزلم

ارسال دیدگاه