گلين يوخولار / کامیل قهرمان اوغلو

 

_كلمه_لر ترلي_ييب يئللري

ايپلي يئللري

يئللر آوجونو آچير اؤلولر

رؤيا آغاجي تير – تير بيتير قوللاريمي

كلمه_لر سوكوت حاميله_سي_دي منده

منه بير زيتون قهوه وئرين\

بير قهوه غريب\

بير غريب صنم\

بير دوداق ياسليليق\

و بير ياخاسيز كلمه بالتونو\

من اوشودورم كيشي كلمه_لري\

آندا چيخير كؤرپه قافيه_جيكلر رؤيامي منله\

بو… پاييزين_چال_ساققاليندا

زانباقلار باغريني باغريما تؤكور

باغريمي_زانباقلار_داغليقيمداكي_باغيرتيما

گلين يوخومو چكين اوستومه

آآآآآآآآللللتيما كؤپك هؤروشو سالين

باشيم آآآآلتينا

دايچا باشيني

بو توزو يول باسيب منده

بو قوشلاري گؤيلر اوچور

بو دوماني داغ باسيب آلتينا

و بو كفن تورپاق شعيريمدي

توپانچالي كانلي كيريتيم

ميصراعلار ايتيم

بو كفن چيبانلي تورپاقيمدي گئيميشم

هاهوهاهوووووو…

موبهمليينه اميشير يوخوم

رؤيامين سرطانليقينا

آه…

رؤيامين ساغ گؤزو شعيرررر

سول گؤز آديمين ايت كيروه_سي

گؤوده_سي مخميرك تؤكموش شيطان

سولار

گلين آپاريرلار رؤيامي گولله_لره

“يوخوما گل هردن_هردن\/ اؤزونو مانا نيشان وئر\/”

رؤيامي مانا آذان وئر\/

هردن گؤرورم بوز دونوبسان مني

بير سونولماز قورتاريشلار

باشلانغيجينين_داشلانغيجيندا_لانغيجيندا_جيندا_جيندا______لانغيندا

آديني سانفاليا۱ باغلاميشام يوخوما/

آدين من/

آدين قيامتيمدي/محشر سورغوم/

باشيمي كسير باكيره آدين/

آدين چاخيريمدي___آخيريم/

آخيريمدان گؤورير

عيصيان باشلانيشيم

تويودو فيرتينامين

اره گئدير انتيحارا

داشي دميره

سولاري يئللره

ايبليسي تانريا…

قارني شيشير اؤفكه سيندن

پرومته دوغور___بولودلارين سود آناسي

بو گلين، سورگون گؤزلريني كؤچور _يوخولو طالعيني

فيرتيناليقيندا_دورنا_سوناليقيندا_آناليقيندا_ليق-ليق-ليقيندا_قيندا_دا

بو گلين يارپاق گوزگوسودی آغاجلار اضطرابيندا__بو ساري گلين

آه… گديكلري آسيب بوينونا

شافاقدا اؤلو كؤرپه_ني جييارلايير بو

ساچلاريني كلروفيللشير۲ يونجالاردا

بو يئميشان دوداقلي رئكلامليجام\./خورماليجام\./

 

ايضاح

۱- سانفاليا: ايت آدي

۲- كلروفيل: بير نوع بيتگيلره گؤورتيليك وئرن مادده دير

 

استادكاميل_قهرمان_اوغلو

ارسال دیدگاه