ائینالی داغی / پروفسور دوکتور علی اکبر ترابی

کتاب ائینالی ائل داغی

قطعه ی ششم از منظومه دکتر علی اکبر ترابی “حلاج اوغلو”

 

بختیارسان گوروره م شانلی گوزه ل ائینالی داغیم!
تاپمیسان بوائلین ایستکلی سینی گوز قاباغیندا:
شهردیرسئوگیلی جانان اوزانیب دیر یاتاغیندا،
ائلدی داغلاراته گینده،
گولدی باغلار آراسیندا
شه هرین اورتاسی – قلبینده – صلابت له دایانمیش
” ارک” دیر- ائل اوره گی – داغلی، یارالی؛
بیلمیره م ساغ یئری قالمیش هاراسیندا؛
دومان آلتدا گورونه بیلمه سه ده تبریزین “ارک ” ی
ایستی سی له دئییر او: بیر کوزم “اودلار اوجاغیندا ”
” دده قورقود کتابی ” ندان داها آرتبق سوزو واردیر
” قالا” نین شاختا – سازاقدان جیریلان دیل – دوداغیندا
” تاپ تازا بیر اوگود” ون ، باخ ایزی واردیر
” قالا” نین دنده سینده،
دوشونون هر یاراسیندا،
او سولوندا – بو ساغیندا،
اوراسیندا – بوراسیندا .

ارسال دیدگاه