آبسورد … / دوکتور کامیل قهرمان اوغلو

سني_سن_گول …

بير قوجالي گولوش بورجلوسان مانا
۱۹ كفنسيز شهيد اؤپوشو
بير شيمالي ماچ بالاسي
بير شرقي جنوب اورگاسمي
منده بير اؤلوم بورجلويام سانا
اي سني سن..

سني_سن_گول__…
سن گولنده آغاج دريسيندن سؤيولور
_شعير گلين كؤچور بيزه
____دوواق قاپديسي اولور آوانقاردين
_ويرگوللري اره وئريرلر پرانتئزلر
و كپك وورور گولوشومده بير هاررر كؤپك
سني سن گول…
بو قافيه نين ساچيني دارااااا…
بو شعيرين گؤيلونو آل
بو ميصراعلارين گؤيسونه سر اؤزونو
اي ميصراعلار قيزي
گؤزلرين شعيريمين بعثتي دي
بوردا بير پيغمبر شعيرررر اوينايير
دانس ائدير سؤزجيكلري
باشينا قالير توراتي
و زبورو صابين چكير بدنينه
(( هله  : _ اللرين . . . اللرين . . . ))__ :
ياديندان چيخيبدي بيزده قاليب !
ياديندان چيخيبسان بو يازيق بيزيگئديب چيخيبسانچيخيب گئديبسن
الدن آغيزا قالميش بيزي
بو “مني” اگر “سن” اولموسان
بو “بيزي” باري”سيز” اول سني سن…

سني_سن_گول …
باري بيزي گول
اؤلو پالتاري گيزلنميش بيزي
بيزيم بو فاغير ائوميزي
كاسيب كومه ميزي
ساغير تاغچاميزي”ننه مين كؤينه يي سني دانشير بيزه هرگون”
گول باري سن اي زاهراليم
اي… شعيريمين موموگرافيسي__ _
يونيوئرسيتيسي
اي قوجاليم
اي سئوگيمين عنكه بؤيوگو
اي… ايييم
اي… بوتونلوكده توم منادام
اهلأ بكم الي قلبي۱
ساريشين جبه م
حبيب لا يجيب حبيبه؟۲
اي… مني … من …
هرگون گونش
هؤروكلريندن چيخير شه هري
دولاشير مني شاعيرلردن
سود اجر چيچكلري
باياتيلايير گؤزلرينه
و سود ايچيريرررر شعيريمه سني
سني سن گول… ! …
آبرومو توك گولوشونله
ياخامداكي ايتي هوردور
شعيريمده كي يولو يئللهههههه
منده بو شرقي دومانليقي قاچ
و ۴ نالا چاپ ميصراعلاري گرايليمدا
سني سن گول…
سن گولمه_سن
كابوسومدا اؤلور تانريچالار
الكولا ياتير گولوشلريم
يارامي چينيمه آتيب گليرم سيزه
هاوالانير جونونليغيم
سؤكولور دليليييم
و ايت اولوب قاپيرام اؤزومو…
گول سني كاميل…

كاميل_قهرمان_اوغلو

ايضاحلار
۱- خوش گليبسن بو قلبيمه
۲- مگر “دوست” سئوگي،” دوستونون” سئوگيليسيني جاوابلاماز؟!

ارسال دیدگاه