وطن / ائلمیرا رضازاده

وطن

 اۆره‌ییم کؤورک

آرازین حزین نغمه‌سین‌دن

اوتای‌داکی قارداشؽن

لال اولموش هارایؽن‌دان

«حسرت کؤرپۆسۆنۆن»

گؤزۆن‌دن آخان قانلؽ یاشدان…

نئجه دؤزدۆن ؟

وطن

آرازین پایینا حسرت دۆشن‌ده

ائللرینی

آیریلیق چوْوغونو بۆرۆین‌ده

 ایگید اوغوللارؽن

قوجا بیر خسته‌دک آیاق‌دان دۆشن‌ده

نه‌دن دینمه‌دین؟

نه‌دن باغؽرمادؽن؟

اؤزگۆرلۆک هوسینی

ایندی راحاتلادؽن‌مؽ؟

ایندی راحاتلادؽن‌مؽ؟

وطن!

تورپاغؽن

الوان بیر لچک کیمی

یاد اوغلونون الین‌ده!…

دور آیاغا وطن

سون وئر

 آیرؽلؽق یاراسؽنا

قؽر کؤله‌لیک زنجیرینی

آل لچه‌یینی

سَر  مرد اوغوللارؽنؽن آیاغؽ آلتؽنا

آرازؽن سئوینج اوخوسون

حسرت کؤرپۆن

ووصال کؤرپۆسۆ اولسون…

ائلمیرا رضازاده

ارسال دیدگاه