درمانيم منيم / جواد فضلی

قادر آللاه درد چكمكدن يورولدوم
نئيليرم بولونمور درمانيم منيم
اؤز يوردومدا غريبم من تكم من
آچيلمير باشيمدان دومانيم منيم

منه هر نئيله دی زامان ائيله دی
گونومو گونومدن يامان ائيله دی
آغ يئل خرمنيمده توفان ائيله دی
نه دن قالدی نه ده سامانيم منيم

بئش گون بو اويونجاق دونيا نه ليكدی
مالك مملوك اولوب قوللار مليكدی
حق سؤز دانيشميشام بؤركوم دليكدی
بئله گليب گئدر زامانيم منيم

دده كاتب دوستلار آتديلار منی
چوخ اوجوز فياتا ساتديلار منی
عجب قال ماقالا قاتديلار منی
داهاالدن چيخيب فرمانيم منيم

ارسال دیدگاه