آنا / جواد فضلی (یانار)

باشووا دولانیم قوربانون اولوم
تاپیلماز دونیادا، سنه تای آنا

سن شیرین جانیندان، نئجه گئچیرسن
تا وئره سن، اوندان، منه پای آنا

بوزلو سودا دونان، اللره قوربان
استکاندا وئردین، منه چای آنا

نه اولار دییرم، بیر دینجَله سن
چوخ چالیش دون، هم قیشی هم یای آنا

گل اؤپوم الینی، آخی اینجییب
زحمتین حلال ائت بسدی دای آنا

ایسته دیگیم تکجه، بودور آنا جان
حیاتیم دا گونش اُول، هم آی آنا

ایسته ییرسن منی، سن شاد ائده سن
“یانارین”سسینه وئر هارای آنا

جواد فضلی (یانار)

ارسال دیدگاه