گنجه لی نظامی نین تورکجه دیوانیندان ایکینجی الیازما ایراندا تاپیلدی

گنجه لی نظامی – آذربایجانین گؤرکملی شاعیری، خمسه دن علاوه ایکی دیللی : فارسیجا و تورکجه قصیده و غزللری دیوانی یاراتمیش و دونیا ادبیاتینا هدیه وئرمیشدیر. نظامی نین تورکجه دیوانی مصر اؤلکه سی نین قاهره ده خدیویه کتابخاناسیندا ساخلانیلان الیازماسی، ۱۳۸۱جی ایلده صدیار وظیفه طرفیندن تهراندا چاپ اولوب – یاییلدی. بو اثر اوچون ایران عالیم لری و ادیب لری مقاله لر یازیب و نظامی نین تورک اثرینی تانیتدیرماغا علمی شیوه ایله چالیشدیلار. بو آرادا مرحوم دوکتور برات زنجانی – نظامی تانییان و ۳۰ ایل نظامی اثرلرینی تهران بیلیم یوردوندا تدریس ائده ن عالیمیمیز ده نظامی نین تورکجه غزللر و قصیده لری نین اولدوغونو، علمی – ادبی دلیل لرله تائید ائدیب، حتا تهران دانشگاهی نین طرفیندن نشر ائتدیگی “دیوان قصاید و غزلیات فارسی نظامی گنجوی” اثرینده، نظامی نین تورکجه غزل و قصیده لریندن داخیل ائتدی.

نظامی نین تورکجه دیوانی، بوگون دونیا ادیب لری طرفیندن دقت مرکزینده دایانیر. سئویندیریجی بیر حالدیر کی بؤیوک شاعیریمیز نظامی نین تورکجه دیوانیندان یئنی بیر الیازما دا ایراندا تاپیلدی. بو الیازما قوم شهرینده آیت اله گلپایگانی کتابخاناسیندا  ۱۹۹/۵ نمره سی آلتیندا ساخلانیلیر. بو الیازمادا اولان شعرلرین چوخو قاباقکی خدیویه الیازماسیندا عئینی صورتده واردیر، آما گاهدان بیت لرین یئری ده ییشیک اولموش و یا مصرع لر فرقی گؤرونمکده دیر. بوندان علاوه بیر سیرا غزللر ده بو الیازمادا چوخراق دیر.

آلدیغیمیز خبره گؤره گنجه لی نظامی نین تورکجه دیوانی نین اوچونجو الیازماسی مسکو موزه سی نین کتابخاناسیندا ساخلانیلیر کی بو الیازمانی دا الده ائتمه یی اوموروق.

شوبهه سیز، گنجه لی نظامی نین تورکجه دیوانی آذربایجان ادبیاتی نین مساله لری نین حل اولونماسیندا بؤیوک رولو اولاجاقدیر. بورادا بو الیازمادان بیر صفحه و بیر شعر گتیرمکله اثرین کامل صورتده یاییلماسی و خالقیمیزین الینه چاتماسی یولدا چالیشاجاییق.

(Mürvət dəftərinin başlanışı və səxavət bulağının ilki)

Vey ismilə Məhəmmədü vəsf ilə Müstəfa

İzzü cəlal içində Süleymani-vəqt olar[1],

Hər mur üzrə kim salasan sayi-hüma.[2]

Yoğruldu xaki-qalibi-adəm ki, ta bula,

Xişti-vücudinilə  şərəf, qəsri-enteha

İsa çü məqdəmin xəbərin verdi aləmə,

Etdi dəminə mücizi-əhyani, Həqq əta.

Der Xulqünə əzim, oxur Nəfsinə kərim,

Təşrif edib sifatiilə zatını Xuda.

Zatın tənəzzühiilə, sifatin bilinməyə,

Şənində endi surei-“Vəlnəcm iza həva”

۴: x: vaxt ola

۵:x:salasan saye sən hüma

ارسال دیدگاه