پاییز

پاییزا بۆرۆندۆ

باغ‌داکی آغاج‌لار
سئوگی‌سینه قوووشان نار آغاجی
پاییزلا سئویشدی
بویدا قالیب، بارلاندی
اوتانقاج آلما آغاجی‌
آلمالارین یاناق‌لارینی قیزارتدی
یئر گؤزۆنۆ قاپاتماغا
یارپاق‌لارلا
تورونجو مندیل توخودو
قیسقانج گؤی اۆزۆنۆن
اۆره‌یی دولدو- آغلادی
پاییز
باغین اته‌یین‌ده‌کی مؤهره قیراغین‌دا اوتوردو
ایزله‌مه‌یه باشلادی
من
سنی خاطیرلادیم
پاییزا دؤنن سئوگیمی…

ارسال دیدگاه