شاعیرسن / خلیل مختاری نیا

آی
کؤلگه سیز – اوزون بیر آداخلی قیزا بنزیه ن
آرخلار
باشیماچئویریلن
کؤلگه لر
دالیمجا دانیشان
کوچه لر

آی
کؤلگمدن قاچان یارپاقلار
مندن زهله سی گئدن
شهر
آی
پاییزین قانینه
بله شن
شاعیر
سن
گوزلری تامارزیلی قالان
بایاتیلارا بنزیه ن
بیر باشی آچیق تورکو شئعرسن
آنجاق
سن
یالنیز دئییلسن

سئوگیمین دریدن چیخان قیزیل باخیشلاری
سنده دیر

آتامین
قاندال – قاندال حسرتلری
آنامین گونش تندیرینده یاپیلان آرزیلاری
سنده دیر
سن یالنیز دئییلسن
پاییز سنده دیر
سن بیر تورکو آق شئعرسن
سن شاعیرسن

🔺🔻🔺🔻

ارسال دیدگاه