سؤنن دئییلم / دکتر حسن ریاضی (ایلدیریم)

قوی دانسین دانانلار عهدین- ایلقارین
من کی اوز عهدیمی دانان دئییلم
قوی دؤنسون یولوندان دؤننلر،نه غم
من کی دوز یولومدان دؤنن دئییلم

بیز قوشا دوغولدوق،سئوگیلیم قوشا
عؤمروم تکی سنله قوی چاتسین باشا
زامان اور ه گیمی چاخسادا داشا
ازیلین دئیلم سینان دئییلم

من سنی سئومه دیم بیر رؤیا کیمی
تاپدیم حیاتیمدا دؤز معنا کیمی
تکجه سنه وئردیم من اوره گیمی
هرجائی گؤزه لی سئون دئییلم

قارا گئجه لرین آغ گوندوزوسن
آیدین سحر لرین دان اولدوز سان
سئوگی تونقالی سان گونش اؤزوسن
من سنین اودونام سؤنن دئییلم

منی اوز قوینونا آلیب دالغالار
دنیزدالقالانار اوره گیم چاغلار
فیرتینا قوشونو طوفان قوجاقلار
طوفانلار قوینوندان ائنن دئییلم

ارسال دیدگاه