گل کؤنلومو سیناما، سیناییرسان قیناما / رضوان حاجی قاسملو (جانای)

اییده آغاجی‌نین ساری کؤلگه‌سی
میننت‌سیز ماهنی‌دا یاغیشین سسی
آلتین‌دا ایسلانان یاز بنؤوشه‌سی
هر باهار گله‌لی سئویر چمنی
اونود گؤردوگونو تانیما منی

باغلی دیل گؤیه‌ریب آل یایلیغیم‌دا
ساری گول گؤیه‌ریب سول یایلیغیم‌دا
ساحیل‌ده منیم‌له قال یایلیغیم‌دا
قیناما ساچیم‌دا یئر سالان دنی
اونود گؤردوگونو تانیما منی

گؤی‌لریم چن‌لی دیر باهاردا قیش‌دا
گونئی دفتریمه یاغان یاغیش‌دا
گؤزوم‌دن چاغلایان ساری آغیش‌دا
یولون‌دان ائله‌ییر گلیب گئده‌نی
اونود گؤردوگونو تانیما منی
“جانای ”
İydə ağacının sarı kölgəsi
Minnət siz mahnıdır yağışın səsi
Altında islanan yaz bənövşəsi
Hər bahar gələli sevir çəməni
Unud gördügünü tanıma məni
Bağlı dil göyərib al yaylığımda
Sarı gül göyərib sol yaylığımda
Sahildə mənimlə qal yaylığımda
Qınama saçımda yer salan dəni
Unud gördügünü tanıma məni
Göylərim çənlidir baharda qışda
Güney dəftərimə yağan yağışda
Gözümdən çağlayan sarı ağışda
Yolundan eyləyib gəlib gedəni
Unud gördügünü tanıma məni
“Canay”

ارسال دیدگاه