گؤزگو باغی / شعر: احمد شاملو / چئویرن: اصغر علمی

الیمده بیر چیراق، اؤنومده بیر چیراق
قارانلیغا قارشی چیخیرام من
یورقونلوق بئشیکلری
گئدیش گلیشلر چکمه چکیندن
دایانیبلار هله
درین لیکلردن بیر گونش
ایشیقلاندیریر
پوزولوب کول اولان کهکشانلاری.

شیمشک لرین بئزیکمیش
چیغیریشلاری
اونداکی دولو
بولودلارین چابالقان قارنیندا بسله نیر
و اوزومون سونوکقان دردی
اونداکی بالاجا غورا
اوزومون اوزون بوروق بوروق سون بوداغیندا
تومورجوق سالیر.

باغیرمامین سببی دردی آتماغیدی
نییه کی من
قارا قورخولو گئجه لرده گونشی آختارمیشدیم.

سن گونلردن، گونشلردن گلمیسن
سن گوزگولردن گلمیسن
یوموشاق ایپک لرینن

او یئرلرده کی نه آللاه واریدی نه اود
گؤز باخیشلارین، گؤونمن ،
یالواریب
ایسته میشدیم آللاه دان.

دوزگون بیر حرکت
ایکی اؤلوم آراسیندا
ایکی بوش یالقیزلیق آراسیندا
بئله دیر سنین گؤونمن، گؤز باخیشلارین.

اینانیلماز بؤیوک دور سئوینجین
نفسین بوش اللریمده ماهنی دیر ، گؤیرتی دیر.

من قالخیرام
الیمده بیر چیراق، اؤرگیمده بیر چیراق
جانیمین پاسلارینی پارلادیرام
باشقا بیر گؤزگونو گؤزگون قاباغیندا قویورام من
سونسوزلوق یارادماق ایستیرم سن دن.

§§§

• ترجمه¬ی شعر باغ آینه¬ی احمد شاملو

ارسال دیدگاه