اؤلدورور منی / جواد فضلی (یانار)

گؤزونو سئودیگیم دلبر
گؤزلرون اؤلدورور منی
بیر جوت آلا گؤزون اوسته
قاشلارون اؤلدورور منی

موژگانلار صفه دوزولور
الیم الیندن اوزولور
دوداقوندان بال سوزولور
لبلرون اؤلدورور منی

سن گؤزل سن آی پاراسی
سن اولماسون نه فایداسی
خومار گؤزلرین آخماسی
نازلارون اؤلدورور منی

باخیشون بنذیر جئیرانا
قلبیم ائدیبسن ویرانا
“یانار”اولوبدور دیوانا
گؤزلرون اؤلدورور منی

جواد فضلی(یانار)

ارسال دیدگاه