بهمن – جذامی لاردان حیمایه گونو / پروفسور علی اکبر ترابی

“بابا باغی” ندا نه وار؟

آی بابا بیر دئ گوروم باغ دا نه وار؟
داغ دومانلیق دی هله؟
چشمه بولانلیق دی هله؟
“دخمه قارانلیق دی” هله؟
دوغروسو باغ دا نه وار؟

شه هرین اهلی خبر داردی بابا؟
کی گئنیش دونیا هله داردی بابا؟
بو باغ ین وورغونو سرداردی بابا؟
دوغروسو باغ دا نه وار؟
“شیمشک”ین نورو قارانلیقدا نه دیر؟
ساچ آغارما او جاوانلیقدا نه دیر؟
او یانان شام (شمع) آوادانیقدا نه دیر؟
دوغروسو باغ دا نه وار؟

ائللری باغ اودو یاخماقدادی می؟
انتظار گوزلری باخماقدادی می؟
قانلی گوز یاشلاری آخماقدادی می؟
دوغروسو باغ دا نه وار؟

جانا گلدیم دئ گوروم غملی باباباغ دا نه وار؟
اورداکی انسانین احوالینی هئچ بیر قانیریق؟
اونودولموش مریضین پاک اوره گین بیر تانیریق؟
او “قارانلیق ائو” اوچون شمع کیبی بیر یانیریق؟
“حاللاج “ین دردینی اولما بیر اوووج سوز سانیریق؟
چیرپینان قلبیده کی داغ دانه وار؟
دوغروسو باغ دا نه وار؟

پروفسور علی اکبر ترابی (حاللاج اوغلو)

ارسال دیدگاه