آنادیلیم / ائلمیزا رضازاده

آجی‌ییر آغزیم‌دا سؤزۆم

یاساق دیل‌له دانیشیرام!

بو آجی‌یا یوخ‌دور دؤزۆم

یاساق دیل‌له دانیشیرام!

منیم دیلیم بیچیلمک‌ده

عاغلیم، فیکریم کیچیلمک‌ده

جانیم، قانیم ایچیلمک‌ده

یاساق دیل‌له دانیشیرام!

منیم دیلیم، دردلی دیلیم

هارایدایام دردی سیلیم

یاشاتماغین یولون بیلیم

یاساق دیل‌له دانیشیرام!

آخ، دیلیمی ائتدین یاساق

دئدین دانیشانی آساق

ایسته‌دین بیز یاسا باتاق

یاساق دیل‌له دانیشیرام!

باخ، بالالاریم بوی آتدی

منیم دیلیم باشا چاتدی

سنین آرزین یاسا باتدی

یاساق دیل‌له دانیشیرام!…

ائلمیرا رضازاده

ارسال دیدگاه