شعر / جانای

ایل‌لر کئچدی، واراقلاندی

یاشیل سئوگی ماراقلاندی

بیر خاطیره داراقلاندی

سوزدو شیرین قرنفیل‌دن

خاطیره‌لر دوداق دوداق

هردن یاخین هردن اوزاق

هردن ده بیر ساری یارپاق

اوزدو شیرین قرنفیل‌دن

اونون عشقی بئله‌گلدی

بم‌دن ائنیب زیله گلدی

بیر گون آخشام دیله گلدی

یازدی شیرین قرنفیل‌دن

قالخیب دوروب ییخیلارکن

داغ گؤزوندن آخیلارکن

جانای دردین سیخیلارکن

گزدی شیرین قرنفیل‌دن

    جانای

ارسال دیدگاه