شعر / مهران نظری

بو آرادا نه واردی کی
حسرت توکور گؤزوموزه
بو نه قیشدی نه قاردی کی
اؤزون سالیر سؤزوموزه

دونیا واری نارین_نارین
آلاجاق وئردییی بارین
بو دونیادا اولانلارین
قالیر اوزو _اوزوموزه

عومره بئل باغلایان هانی
ییخیلدی شهرتین خانی
اؤلن لرین آدی سانی
بیر آینادی یوزوموزه

دومان یولدان گلیر اینان
یوخ کیم سه میز بیزه یانان
اوزوموزو هر گون دانان
یانیر مهران کوزوموزه

شعر مهران نظری افشار

ارسال دیدگاه