دوکتور مجدفر جنابلاری عزیزلندی / تبریک ائدیریک

حؤرمتلی آذربایجان یازیچیسی و ژورنالیستی، صابر ادبی انجومنی‌نین اداره هئیتی عضوی جناب دوکتور مرتضی مجدفر تعلیم و تربیه ساحه‌سینده ده‌یرلی و ثمرلی فعالیتلرینه گؤره تلطیف ائدیلدی.
جوما آخشامی اسفند آیی‌نین ۱۲سینده تهرانین شهید بهشتی یونیورسیته‌سی‌نین بین‌الخلق کونفرانس مرکزی‌نین ابوریحان زالیندا «اؤلکه‌نین کیفی ده‌یر یارادان چالیشقانلاری کلوبو»(باشگاه تلاشگران ارزش آفرین کیفیت کشور) طرفیندن کئچیریلن دوققوزونجو ملی فستیوالدا، جناب دوکتور مرتضی مجدفر، تعلیم تربیه علملری ساحه‌سینده ده‌یرلی فعالیتلرینه و علمی سعی‌لرینه گؤره عزیزلندی.
«باشگاه تلاشگران ارزش‌آفرین کیفیت کشور» اؤز سیاست شوراسی‌نین تصدیقلری چرچیوه‌سینده فعالیت گؤسترن غیر سیاسی و غیرحکومتی بیر تشکیلاتدیر. اؤلکه مقیاسیندا فعالیت گؤسترن بو بؤیوک تشکیلاتین اساس وظیفه‌سی، صنایع، تجارت، اقتصادیات، تعلیم، سیاست و طب علملری ساحه‌لرینده «ده‌یر» و «ده‌یر یاراتما» آنلاملارینی قورومساللاشدیرماق و حیاتا کئچیرمکدیر.
«ایشیق» – آذربایجان ادبیات و اینجه‌صنعت سایتی امکداشلاری آدیندان حؤرمتلی یازیچی، ژورنالیست، تعلیم تربیه متخصصی و عزیز دوستوموز دوکتور مرتضی مجدفری بو موناسیبتله تبریک ائدیر، اونا داهادا اوغورلار آرزولاییریق.

قایناق: ایشیق

ارسال دیدگاه