گنجه لی نظامی نین تورکجه دیوانی چاپ اولدو

نظامی نین تورکجه دیوانی تبریزده نباتی یاییم ائوی طرفیندن نشر اولدو.

بو دیوان ۵۱۰ صفحه اولاراق، ایکی بؤلومدن عبارتدیر: بیرینجی بؤلوم نظامی نین فارسیجا غزللر و رباعی لری احتوا ائدیر و آذربایجانین بؤیوک شاعیری خلیل رضا تورکجه یه چئویرمیش و جواد فضلی جنابلاری کؤچورموشلر.

ایکینجی بؤلوم نظامی نین تورکجه شعرلری دیر کی قصیده و غزل فورماسیندا یازمیش. بو بؤلوم نظامی نین اؤز شعرلری دیر و تورکجه سؤیله میش. بو بؤلوم آیت اله گلپایگانی کتابخاناسیندا ساخلانیلان الیازمانین اوزوندن کؤچورولموشدور.

بو الیازما نظامی تورکجه دیوانیندان ایکینجی الیازما ساییلیر. بیرینجی الیازما قاهره ده خدیویه کتابخاناسیندا ایدی. الیازمانی صدیار وظیفه (ائل اوغلو) جنابلاری تاپمیش و تانیتدیرمیشدیر.

بو بؤلومو م. کریمی تصحیح ائده رک چاپا حاضیرلامیشدیر.

ارسال دیدگاه