مولوی دن چئویرمه / شربیانی

 سیل سوپورون یوللارینی نازلی نیگاریم گلیری
خبر ورون باغچا باغا گوللی باهاریم گلیری
یول وئرون او نازلی یارا ، او اون دورد گئجه ‌لیک آیا
شافاقلانیر یئر گوی اوزی ، ایشیق ساچانیم گلیری
یاریلمیش گویلرین اوزی , های هویا دونمیش یئر اوزی
عطیر یاییر هر بیجاغا بایراغی آلیم(لاله) گلیری
گول بازاری توتیب یئنه ، گوزه ایشقلار یئتیشیب
غم داغیلیب که‌در گئدیب‌ ، او آی قاباغیم گلیری
اوخ سوزولیبدی یاییدان ، آخیب آماجینا ساری
نه‌دن اتورمیشیق هله ، اوودان او شاهیم گلیری
باغ سلاملاییر اونی ، سرو دورور آیاغینا
قونچا مینیب یاشیل آتین، چیمن قاچالیم گلیری
عرشیده ایچ ها ایچدی دور چاناق چاناقا چالینیر
روح ایچیبدی کئفله‌نیب ، عقیل چاشالیم گلیری
یئتسن اگر بیزیم دارا ، سوسماق اولیب بیزیم چارا
چون کی قونوشماقلا بیزه، که‌در آرالیم(آیریلیق) گلیری

شربیانلی

ارسال دیدگاه