قارداشلیق / جواد فضلی

 

دئییرلر ایراندا هامی قارداشیق
نامحرم دئییلیک هامی سیرداشیق
نییه چتین گونده فقط یولداشیق
یولداشدا یولداشا، یاراشیق اولار
گؤره سن بئله ده قارداشلیق اولار؟

رأی وئرن زامانلار ایران بیزیمدی
دؤیوش وقتی یئنه ایران بیزیمدی
ندن یازیپ اوخوماقدا سیزیندی؟
دیلسیز قلم سیز ده دانیشیق اولار؟
گوره سن بئله ده قارداشلیق اولار؟

نقشه اوسته تورکلر ایرانا باشدی
ایران اوزوک اولسا تورک اونا قاشدی
هر باشین دیلی وار بو دیلسیز باشدی
دانیشماساق نئجه تانیشلیق اولار؟
گؤره سن بئله ده قارداشلیق اولار؟

باکری دن سوروشمادین دیلینی
هئچ سورمادین کیملیگینی ائلینی
چتین گونلر اگر یاد دان سیلینی
«یانارا» وطنی داریشلیق اولار
گؤره سن بئله ده قارداشلیق اولار؟

ارسال دیدگاه