یالقیز آغاج / جواد فضلی (یانار)

 

سویوخ بیر قیش گونو گؤزلریم آخیر
قار کوله یی سانکی ایلدیریم شاخیر
پنجره دالیندان بیرجوت گؤز باخیر
بیر یالقیز آغاجی آلقیش ائدیرم

آغاجین اوستونده گؤرونمور باری
سویوخ دا تک قالیب هئچ یوخدور یاری
نه باغبان نه گونش چیخمیر هاواری
بیر یالقیز آغاجی آلقیش ائدیرم

او آغاج اؤلمویوب دیریدیر هله
صبر ائدیر یوردونا یاز باهار گله
پالتارین دئییشه یاشیل دون گییه
بیر یالقیز آغاجی آلقیش ائدیرم

دوزدور الدن وئریب یارپاق بوداقین
قیشدا تیکیب اونون سازاق دوداقین
کیمسه آلمیر ایندی اونون سوراقین
بیر یالقیز آغاجی آلقیش ائدیرم

“یانار” سئویر اوندا اولان غیرتی
انسان گره ک آلسین اوندان عبرتی
اومیدی وار چکیر باهار حسرتی
بیر یالقیز آغاجی آلقیش ائدیرم

جواد فضلی(یانار)

ارسال دیدگاه